79

Thov Vajtswv Pab Cov Yixalayees

¹Vajtswv, lwm haivneeg twb
tuaj vij koj lub tebchaws lawm;
lawv tuaj ua tsis huv rau koj lub Tuamtsev uas dawbhuv,
thiab cia lub nroog Yeluxalees pob puas tas.
²Lawv cia koj haivneeg tej cev tuag
rau dav npoj noj,
thiab cia koj cov tubtxib tej cev tuag
rau tej tsiaj qus noj.
³Lawv tua koj haivneeg tej ntshav
tawm ntws cuag dej;
ntshav ntws mus thoob plaws lub
nroog Yeluxalees,
thiab tsis muaj leejtwg faus cov neeg
tuag ntawd li.
⁴Twb yog cov neeg uas nyob ibncig
peb tuaj tsimtxom peb ntag;
lawv luag peb plig thiab thuam peb
lub npe kawg li.

⁵Tus TSWV, koj yuav chim rau peb
mus ibtxhis li los?
Koj txojkev chim yuav kub li
hluavtaws mus tsis paub tuag li los?
⁶Cia koj txojkev chim mus rau
haivneeg uas tsis pehawm koj,
mus rau cov neeg uas tsis tsa ncauj thov koj.
⁷Vim lawv tau tuaj tua koj haivneeg tuag tas,
thiab tau ua rau koj lub tebchaws
puastsuaj tas lawm.

⁸Thov koj tsis txhob rau txim rau peb
vim peb cov yawgkoob tej kev txhaum.
Thov koj tshua peb; peb twb tas kev
cia siab lawm.
⁹Vajtswv, thov pab peb thiab cawm peb;
thov tso peb dim thiab zam peb tej
kev txhaum kom koj tau koob meej.
¹⁰Vim li cas yuav cia lwm haivneeg
nug peb hais tias,
“Nej tus Vajtswv dua twg lawm?”
Thov cia peb pom koj rau txim rau lwm haivneeg,
vim lawv tuaj ua rau koj cov tubtxib
nqaij ntuag ntshav nrog.

¹¹Thov koj mloog cov neeg uas raug
luag kaw tej suab quaj,
thiab siv koj lub hwjchim tso cov
neeg uas luag teem txim tuag rau lawv kom dim.
¹²Tus Tswv, thov koj ua xya npaug
pauj rau cov neeg siab phem ntawd.
Vim tej uas lawv tau ua txob thuam
koj lub koob lub npe lawm.
¹³Ces peb cov uas yog koj haivneeg,
pab yaj uas yog koj tug,
yuav ua koj tsaug thiab qhuas koj
lub npe mus ibtxhis li.

79

Quaj ntsuag vem yog Yeluxalee puam tsuaj

Axas zaaj nkauj.

¹Au Vaajtswv, lwm haiv tuabneeg
tau txeem moog rua huv koj qub txeeg qub teg,
puab tau ua rua koj lub tuam tsev
kws dawb huv qas tsw huv,
puab tau muab Yeluxalee ua pob taag.
²Puab muab koj cov qhev tej cev tuag
rua tej laj daav sau nruab ntug noj,
hab muab koj cov tuabneeg
kws dawb huv tej nqaj rua tej tsaj qus
huv nplajteb noj.
³Puab muab tej tuabneeg nuav
cov ntshaav nchuav lug
yaam le dej puag ncig Yeluxalee,
hab tsw tshuav leejtwg muab puab log.
⁴Peb raug tej tuabneeg zej zog thuaj luag,
hab raug tej tuabneeg kws nyob ib ncig peb
luag hab saib tsw taug.

⁵Au Yawmsaub, yuav ntev le caag?
Koj yuav chim moog ib txhws le lov?
Koj txujkev khib yuav hlawv yaam le
suavtawg kub moog le lov?
⁶Thov koj muab koj txujkev chim nchuav
rua sau cov tuabneeg kws tsw paub koj,
hab rua sau tej tebchaws
kws tsw tuav koj lub npe thov.
⁷Vem yog puab tau rhuav tshem Yakhauj
hab muab nwg tej chaw nyob
tso tseg pam taag.
⁸Thov tsw xob muab peb tej laug tej kev txhum
coj lug rau txem rua peb.
Thov koj taab ncuab peb sai sai nuav
vem peb poob qeg kawg le.
⁹Au Vaajtswv kws yog peb txujkev cawm dim,
thov paab peb lauj,
vem yog saib rua koj lub npe
kws muaj fwjchim ci ntsaa quas ab.
Thov cawm peb hab zaam peb lub txem
vem yog saib rua koj lub npe.
¹⁰Ua caag ib tsoom tebchaws yuav has tas,
“Puab tug Vaajtswv nyob hovtwg?”
Thov kuas ib tsoom tebchaws paub
taab meeg peb lub qhov muag tas
yog koj pauj taub koj cov qhev tej ntshaav
kws ndwg lug.
¹¹Thov kuas cov kws raug nteg
lub suab quaj nrov
tuaj txug ntawm koj xubndag.
Thov koj swv koj tug fwjchim luj
tuav cov raug txem tuag txujsa.

¹²Au tug Tswv, thov pauj tej kws
cov kws nyob ib ncig peb thuaj luag koj
xyaa npaug rua ntawm puab lub xubndag.
¹³Peb kws yog koj haiv tuabneeg,
yog koj paab yaaj
kws nyob huv koj lub tshaav zaub
yuav ua koj tsaug ib txhws,
peb yuav qhuas koj
ib tam dhau ib tam moog le.