35

Khul Tơlơi Phiăn Kơ Hrơi Saƀat

¹Môseh pơƀut glaĭ abih bang kơnung djuai ƀing Israel laih anŭn laĭ kơ ƀing gơñu tui anai, “Anai yơh jing khul tơlơi Yahweh hơmâo pơtă laih kơ ƀing gih kiăng kơ ngă: ²Amăng năm hrơi, pơgiŏng hĭ bruă mă bĕ, samơ̆ truh hrơi tal tơjuh jing hrơi rơgoh hiam kơ ƀing gih, anŭn jing sa hrơi pơdơi Saƀat kơ Yahweh yơh. Hlơi pô mă bruă amăng hrơi anai khŏm tŭ mă tơlơi djai yơh.⚓ ³Anăm tuč apui ôh amăng hơdôm anih dŏ gih amăng hrơi Saƀat anŭn.”

Hơdôm Gơnam Pơyơr Kơ Sang Yang Hăng Khăn Rơgoh Hiam

(Tơbiă 25:1-9)

⁴Môseh pơhiăp hăng abih bang ƀing ană plei Israel tui anai, “Anai jing tơlơi Yahweh hơmâo pơđar laih: ⁵Mơ̆ng gơnam ƀing gih hơmâo, mă bĕ tơlơi pơyơr kơ Yahweh. Rĭm čô hlơi pô tŭ ư či ba rai sa gơnam pơyơr kơ Yahweh hăng mah, amrăk laih anŭn hăng ko̱ng; ⁶bơnăl añrŭ ia mik, mơla̱ng laih anŭn ia mriah huč, laih anŭn bơnăl blâo ƀlĭ; bơnăl blâo bơbe; ⁷khul klĭ triu tơno añrŭ mriah laih anŭn khul klĭ akan prŏng, khul kơyâo akasia; ⁸ia rơmuă ôliwơ kơ apui kơđen, gơnam hăng kơ ia ƀâo mơngưi pioh trôč laih anŭn kơ mơnâo ƀâo hiam; ⁹laih anŭn khul boh pơtâo ônik hăng khul boh pơtâo yom pơkŏn kiăng kơ jră̱ mŭt ƀơi ao êphôd laih anŭn ƀơi ao tơda.

Hơdôm Gơnam Yua Kơ Sang Yang Hăng Khăn

(Tơbiă 39:32-43)

¹⁰“Abih bang ƀing hlơi pô thâo hluh amăng ƀing gih či rai laih anŭn pơkra rĭm gơnam Yahweh hơmâo pơtă laih tui anai: ¹¹Sang khăn wơ̆t hăng khăn păng ñu laih anŭn gơnam go̱m ñu, hơdôm gơnam goaĭ, khul hơnăl pơnăng, kơyâo pơgăn, khul tơmĕh laih anŭn khul jơ̆ng atur; ¹²hip hăng khul gai čơkŭng ñu laih anŭn kơnŏp tơlơi pap brơi, laih anŭn khul khăn păng pơgăn hĭ ñu; ¹³kơnưl kơƀa̱ng hăng khul gai čơkŭng ñu wơ̆t hăng abih bang gơnam yua laih anŭn ƀañ tơpŭng pơyơr kơ Yahweh mơ̆n; ¹⁴tơkai kơđen kơ tơlơi bơngač hăng hơdôm gơnam yua ñu, khul apui kơđen laih anŭn ia jâo kiăng kơ tuč; ¹⁵kơnưl čuh mơnâo ƀâo mơngưi hăng khul gai čơkŭng ñu, ia ƀâo mơngưi pioh trôč laih anŭn gơnam ƀâo mơngưi; khăn păng kơ bah amăng ƀơi jơlan mŭt nao kơ sang khăn; ¹⁶kơnưl kơ gơnam pơyơr čuh hăng driah ko̱ng rưng ñu, khul gai čơkŭng ñu hăng abih gơnam yua ñu; kơthŭng rao wơ̆t hăng tơkai ñu; ¹⁷khul khăn păng kơ wăl tơdron wơ̆t hăng khul tơmĕh ñu laih anŭn jơ̆ng atur ñu, laih anŭn khăn păng kơ bah amăng nao pơ wăl tơdron; ¹⁸khul gai črŏ̱ kơ sang khăn laih anŭn kơ wăl tơdron, hăng khul hrĕ kuĭ gơñu; ¹⁹khul ao mơñam kơ bruă mă amăng sang yang, wơ̆t khul ao rơgoh hiam kơ A̱rôn jing khua ngă yang laih anŭn khul ao kơ ƀing ană đah rơkơi ñu tơdang gơñu mă bruă khua ngă yang.”

Ană Plei Ba Rai Hơdôm Gơnam Pơyơr Gơñu

²⁰Giŏng anŭn, abih bang ƀing Israel tơbiă đuaĭ mơ̆ng anăp Môseh, ²¹laih anŭn rĭm čô hlơi pô tŭ ư laih anŭn pran jua ñu kiăng, ba rai bĕ sa gơnam pơyơr kơ Yahweh kơ bruă amăng Sang Khăn pơjơnum, kơ abih bang bruă mă pơ anŭn, laih anŭn kơ khul ao rơgoh hiam. ²²Abih bang hlơi pô tŭ ư, đah rơkơi laih anŭn đah kơmơi kar kaĭ, ba rai bĕ djŏp mơta gơnam pơhrôp hăng mah tui anai: Hơdôm gơnam tuăk, buai, rơbưn laih anŭn lu gơnam pơhrôp pơkŏn. Abih bang ƀing gơñu pơyơr mah gơñu kar hăng sa gơnam pơyơr pŭ̱ đĭ kơ Yahweh yơh. ²³Abih bang hlơi pô hơmâo bơnăl añrŭ ia mik, mơla̱ng ƀôdah mriah huč, ƀôdah bơnăl blâo ƀlĭ, ƀôdah blâo bơbe, khul klĭ triu tơno añrŭ mriah ƀôdah khul klĭ akan prŏng, gơñu ba rai gơnam anŭn yơh. ²⁴Ƀing hlơi pô pơyơr sa gơnam pơyơr hăng amrăk ƀôdah hăng ko̱ng, ba rai bĕ kar hăng sa gơnam pơyơr kơ Yahweh, laih anŭn rĭm čô hlơi pô hơmâo kơyâo akasia kơ hơget tơlơi bruă, ñu ba rai yơh. ²⁵Rĭm ƀing đah kơmơi thâo dui mơrai hăng tơngan ñu laih anŭn ba rai khul mơrai ñu hơmâo dui anŭn tui anai: Mơrai mik, mơla̱ng ƀôdah mơrai mriah huč ƀôdah bơnăl blâo ƀlĭ. ²⁶Laih anŭn abih bang ƀing đah rơkơi hlơi pô tŭ ư hăng thâo, ƀing gơñu dui mơrai blâo bơbe. ²⁷Ƀing djă̱ akŏ ba rai khul boh pơtâo ônik laih anŭn khul boh pơtâo yom pơkŏn kiăng kơ jră̱ mŭt ƀơi ao êphôd laih anŭn ƀơi ao tơda. ²⁸Ƀing gơñu ăt ba rai hơdôm gơnam hăng laih anŭn ia jâo kơ khul apui kơđen, kơ ia ƀâo mơngưi pioh trôč laih anŭn kơ gơnam ƀâo hiam. ²⁹Abih bang ƀing Israel đah rơkơi laih anŭn đah kơmơi jing ƀing tŭ ư ba rai kơ Yahweh hơdôm gơnam pơyơr tui hăng pran jua kiăng yơh; ƀing gơñu pơyơr kơ abih bang bruă Yahweh hơmâo pơtă laih kơ ƀing gơñu mơ̆ng Môseh.

Ƀing Mă Bruă Kơ Sang Khăn Yahweh

(Tơbiă 31:1-11)

³⁰Môseh laĭ kơ ƀing Israel tui anai, “Lăng bĕ, Yahweh hơmâo ruah mă laih Bezalêl ană đah rơkơi Uri jing tơčô Hur, kơnung djuai Yudah, ³¹laih anŭn Ñu pơbă laih gơ̆ hăng Yang Bơngăt Ơi Adai, hăng tơlơi thâo pơmĭn, tơlơi dưi ngă laih anŭn tơlơi thâo hluh amăng djŏp mơta bruă treh trah, ³²kiăng kơ pơkra kơčĕ gơnam hăng mah, amrăk laih anŭn hăng ko̱ng, ³³kiăng kơ khăt laih anŭn črŏ̱ khul boh pơtâo, kiăng kơ mă bruă kơyâo laih anŭn amăng djŏp mơta bruă treh trah. ³⁴Laih anŭn Yahweh hơmâo brơi laih kơ gơ̆ hăng kơ Oholiab ană đah rơkơi Ahisamak, mơ̆ng kơnung djuai Dan, tơlơi dưi pơtô ƀing pơkŏn. ³⁵Yahweh hơmâo pơbă laih ƀing gơñu hăng tơlơi thâo mă djŏp mơta bruă kar hăng ƀing trah, ƀing kơčĕ, ƀing sĭt jă̱ hăng mơrai mik, mơrai mơla̱ng mơrai mriah huč, laih anŭn bơnăl blâo ƀlĭ, ƀing mơñam, ƀing gơñu dưi ngă djŏp mơta bruă kar hăng ƀing treh trah laih anŭn ƀing kơčĕ yơh.

35

Klei Bhiăn Hruê Sabat

¹Y-Môis iêu jih jang phung ƀuôn sang Israel bi kƀĭn, leh anăn ñu lač kơ digơ̆, “Nĕ anei klei Yêhôwa mtă brei diih ngă. ² Brei diih mă bruă năm hruê, ƀiădah hruê tal kjuh srăng jing hruê sabat doh jăk pioh mdei kơ Yêhôwa. Hlei pô ngă sa mta bruă hruê anăn, arăng srăng bi mdjiê ñu. ³Đăm kuč pui ôh tar ƀar hlăm anôk diih dôk êjai hruê sabat.”

Mnơ̆ng Myơr kơ Yêhôwa

(KKbiă 25:1-9)

⁴Y-Môis lač kơ jih jang phung ƀuôn sang Israel bi kƀĭn, “Nĕ anei klei Yêhôwa mtă leh: ⁵Mă bĕ mơ̆ng diih mnơ̆ng myơr kơ Yêhôwa. Hlei pô mâo ai tiê kmah, brei ñu ba mnơ̆ng myơr kơ Yêhôwa mah, prăk, leh anăn kông; ⁶čhiăm ñuôm êa piơk, hrah jŭ, hrah huč, čhiăm kbuă điêt aruăt; mlâo bê, ⁷klĭt biăp knô mkra leh, klĭt jăk siam; kyâo akasi, ⁸êa boh ôliwơ kơ pui diăn, dŏ ƀâo mngưi kơ êa ƀâo mngưi pioh trôč leh anăn pioh kơ mnơ̆ng ƀâo mngưi; ⁹boh tâo ônik leh anăn lu boh tâo yuôm mkăn čiăng mƀlir dưm ti ao êphôt leh anăn ti ao mnal đah da.”

Mnơ̆ng Dôk Hlăm Sang Čhiăm

(KKbiă 39:32-43)

¹⁰“Brei grăp čô mnuih thâo mbruă hlăm phung diih hriê leh anăn ngă jih jang mnơ̆ng Yêhôwa mtă leh: ¹¹sang čhiăm, čhiăm ñu leh anăn mnơ̆ng guôm ñu, mnơ̆ng kđip, mdhă, giê kal, kmeh, leh anăn mdhô̆; ¹²hip klei bi mguôp wăt giê kkung ñu, kđhăp klei pap brei, leh anăn čhiăm păng; ¹³jhưng wăt giê kkung ñu, leh anăn jih jang mnơ̆ng yua kơ ñu, leh anăn kpŭng myơr kơ Aê Diê; ¹⁴jơ̆ng diăn kơ klei mngač leh anăn mnơ̆ng yua kơ ñu, pui kđen ñu, leh anăn êa boh ôliwơ kơ pui kđen; ¹⁵knưl čuh mnơ̆ng ƀâo mngưi wăt giê kkung ñu, êa ƀâo mngưi pioh trôč, leh anăn mnơ̆ng ƀâo mngưi; leh anăn čhiăm păng ti ƀăng bhă mŭt sang čhiăm; ¹⁶knưl mnơ̆ng myơr čuh hŏng driah kông mñam rưng, wăt giê kkung ñu, leh anăn jih jang mnơ̆ng yua kơ ñu, thŭng êa wăt jơ̆ng ñu; ¹⁷čhiăm kpal păng ti wăl, kmeh wăt mdhô̆ ñu, leh anăn čhiăm păng ti ƀăng jang mŭt wăl; ¹⁸giê mnư̆ sang čhiăm, giê mnư̆ wăl, leh anăn klei kuĭ diñu; ¹⁹čhiăm ao ngă hŏng klei mbruă pioh kơ bruă hlăm adŭ doh jăk, čhiăm ao doh jăk khua ngă yang Y-Arôn, leh anăn čhiăm ao phung anak êkei ñu pioh kơ bruă phung khua ngă yang.”

Phung Ƀuôn Sang Ba Mnơ̆ng Myơr

²⁰Leh klei anăn jih jang phung ƀuôn sang Israel bi kƀĭn kbiă đuĕ mơ̆ng anăp Y-Môis. ²¹Jih jang phung mâo ai tiê mtrŭt leh anăn mâo klei čiăng jăk hriê leh anăn djă ba mnơ̆ng myơr kơ Yêhôwa, pioh kơ bruă ngă sang čhiăm klei bi kƀĭn, wăt kơ jih bruă ñu, leh anăn pioh kơ čhiăm ao doh jăk. ²²Snăn phung êkei wăt phung mniê hriê mơh, jih jang hlei pô mâo ai tiê čiăng djă ba buê, krah, krah kđăm, kông buh ti kngan, djăp mta mnơ̆ng ngă hŏng mah, grăp čô ba mah pioh myơr kơ Yêhôwa. ²³Jih jang phung mâo čhiăm ñuôm piơk, hrah jŭ, hrah huč, kbuă điêt aruăt, mlâo bê, klĭt biăp knô mkra leh, leh anăn klĭt jăk siam djă ba mơh. ²⁴Jih jang phung dưi myơr prăk leh anăn kông ba dŏ anăn kơ Yêhôwa. Jih jang phung mâo kyâo akasi dưi yua kơ bruă ba myơr mơh. ²⁵Jih jang phung mniê thâo mbruă êwei hŏng kngan diñu pô djă ba mnơ̆ng diñu ngă, mrai ñuôm êa piơk, hrah jŭ, hrah huč, leh anăn kbuă điêt aruăt; ²⁶jih jang mniê mâo ai tiê mtrŭt leh anăn mbruă êwei mrai mlâo bê. ²⁷Phung khua knơ̆ng djă ba boh tâo ônik leh anăn boh tâo yuôm pioh mƀlir dưm ti ao êphôt leh anăn ti ao mnal đah da; ²⁸dŏ ƀâo mngưi leh anăn êa boh ôliwơ pioh kơ pui diăn leh anăn kơ êa ƀâo mngưi pioh trôč leh anăn kơ mnơ̆ng ƀâo mngưi. ²⁹Jih jang êkei mniê phung ƀuôn sang Israel mâo ai tiê mtrŭt čiăng đru bruă Yêhôwa mtă kơ Y-Môis djă ba mnơ̆ng myơr kơ Yêhôwa tui si diñu čiăng.

Yêhôwa Iêu Y-Bêsalel leh anăn Y-Ôhôliap

(KKbiă 31:1-11)

³⁰Y-Môis lač kơ phung ƀuôn sang Israel, “Brei diih thâo Yêhôwa iêu leh hŏng anăn Y-Bêsalel anak êkei Y-Uri, čô Y-Hur, mơ̆ng găp djuê Yuđa. ³¹Ñu bi bŏ gơ̆ leh hŏng Mngăt Myang Aê Diê, hŏng klei knhâo, klei thâo săng, klei thâo mĭn, leh anăn klei mbruă hlăm jih jang bruă ngă, ³²dưi mčeh mnơ̆ng, ngă bruă hŏng mah, prăk, leh anăn kông, ³³ktur kač boh tâo pioh tang, ngă bruă krah kyâo, leh anăn ngă djăp mta klei mbruă. ³⁴Ñu brei kơ gơ̆ mơh klei dưi bi hriăm arăng, gơ̆ leh anăn Y-Ôhôliap anak êkei Y-Ahisamak mơ̆ng găp djuê Dan. ³⁵Ñu bi bŏ leh digơ̆ hŏng klei thâo mbruă, dưi ngă djăp mta bruă arăng ngă: bruă krah, bruă kač, bruă đêč, čhiăm piơk, hrah jŭ, hrah huč, leh anăn kbuă điêt aruăt, leh anăn djăp mta bruă mñam arăng ngă amâodah mčeh mrâo.