9

Maaih Baengh Orn Nyei Hungh Oix Cuotv Seix

¹Mv baac yangh naaiv jiex, zuqc kouv wuov deix maiv zuqc aengx yiem hmuangx gu'nyuoz. Zinh ndaangc Tin-Hungh bun Se^mbu^lun Deic caux Napv^taa^li Deic zuqc mangc piex, mv baac nqa'haav ninh oix taaih gan mingh koiv-hlen nyei jauv, se jiex wuov ngaanc ziqc Jor^ndaen Ndaaih, fingx-fingx mienh nyei Gaa^li^li Deic.⚓
²Yangh hmuangx gu'nyuoz nyei baeqc fingx,
zungv duqv buatc domh njang.
Yiem zuqc daic nyei dongh linh gu'nyuoz⚓ wuov deix,
duqv njang ziux jienv ninh mbuo.
³Meih bun wuov norm guoqv nyei mienh hiaangx camv,
aengx jaa tipv orn-lorqc bun ninh mbuo.
Ninh mbuo yiem meih nyei nza'hmien njien-youh,
hnangv mienh siou gaeng-zuangx njien-youh,
yaac hnangv mienh bun nqoi
caangv daaih nyei ga'naaiv orn-lorqc nor.
⁴Weic zuqc meih wuotv nauv
ninh mbuo gaaz nyei ⟨ndiangx-gaaz,⟩ yaac wuotv nauv
mborqv ninh mbuo nyei mba'dauh nyei ndiangx-ndonx,
caux zeix ninh mbuo nyei biaav-bin,
hnangv meih mborqv baaic Mi^ndien Mienh wuov hnoi.
⁵Mborqv jaax baeng nyei laengc-laengc heh
caux guoqv jienv nziaamv nyei deix-deix lui
zungv zuqc buov,
se dorngx zaangh buov douz.
⁶Weic zuqc maaih dauh gu'nguaaz weic yie mbuo cuotv seix.
Maaih dauh dorn ceix bun yie mbuo.
Ninh duqv hungh lingc gunv yie mbuo⚓
ninh yaac duqv mbuox heuc
Mbuoqc Horngh nyei Caangh Laangh Mienh,
Henv Haic nyei Tin-Hungh, Yietc Liuz Yiem nyei Die,
Baengh Orn nyei Hungh Dorn.
⁷Ninh nyei hungh lingc oix jaa camv,
baengh orn nyei jauv yietc liuz maiv jomc.
Ninh zungv oix zueiz Ndaawitv nyei hungh weic
gunv ninh nyei guoqv.
Ninh oix longc baengh fim caux zoux horpc nyei jauv
liepc jiez, ceix wuonv,
yiem naaiv mingh taux yietc liuz.
Nernh Jiex nyei Ziouv
oix jorm hnyouv hnangv naaiv nor zoux.⚓

I^saa^laa^en Mienh Zoux Maux, Zuqc Tin-Hungh Qiex Jiez

⁸Ziouv bun waac mingh gorngv Yaakopv,
yaac ndortv zuqc I^saa^laa^en.
⁹Zuangx baeqc fingx, se E^faa^im Mienh,
caux Saa^maa^lie Mienh ziouc hiuv aqv.
Ninh mbuo ceng ganh hlo,
bungx waac-maux gorngv,
¹⁰“Hui-zun mbaang mi'aqv,
mv baac yie mbuo oix longc
zuqc daaih nyei la'bieiv ceix jiez.
Ngongh nyorx ndiangx zuqc goix mi'aqv,
mv baac yie mbuo oix zuangx si^ndaa zongh ndiangx div.”
¹¹Mv baac Ziouv zoux bun yiem Lesin nyei win-wangv
daaih mborqv ninh mbuo,
yaac coqv zuqc ninh mbuo nyei win-jaa.
¹²Se yiem dong bung nyei Silie Mienh,
caux fai bung nyei Fi^li^saa^die Mienh,
zungv morngx nqoi nzuih naqv I^saa^laa^en.
Maiv gunv hnangv naaic, ninh nyei ga'qiex corc maiv fiu.
Ninh corc sung jienv ninh nyei buoz.
¹³Mv baac baeqc fingx maiv nzuonx daaih lorz mborqv ninh mbuo wuov dauh,
ninh mbuo maiv lorz Nernh Jiex nyei Ziouv.
¹⁴Weic naaiv Ziouv yiem I^saa^laa^en Mienh mbu'ndongx,
yietc hnoi gu'nyuoz hngaqv m'nqorngv caux dueiv guangc,
liemh daau-normh caux luoqc diqc guaengv.
¹⁵Mienh gox caux zoux hlo nyei mienh se m'nqorngv,
njaaux jaav nyei douc waac mienh se dueiv.
¹⁶Weic zuqc dorh baeqc fingx wuov deix dorh ninh mbuo yangh dorngc jauv.
Dongh ninh mbuo dorh nyei zuangx mienh zuqc lunc.⚓
¹⁷Weic naaiv Ziouv maiv a'hneiv mienh lunx mienh,
yaac maiv korv-lienh ninh mbuo nyei guh hanh fu'jueiv caux auv-guaav,
weic zuqc dauh dauh maiv gan Tin-Hungh yaac zoux orqv sic,
mouz dauh nyei nzuih gorngv maiv benx nyei waac.⚓
Maiv gunv hnangv naaic, ninh nyei ga'qiex corc maiv fiu.
Ninh corc sung jienv ninh nyei buoz.
¹⁸Orqv sic hnangv douz nor buov,
buov qui njimv-cou njimv-muonc.
Orqv sic yaac hnangv buov lomc-ndiev nyei douz,
cuotv douz-sioux-don, cutv-cutv nyei faaux.
¹⁹Nernh Jiex nyei Ziouv qiex jiez
ziouc hnangv douz nor buov ndau.
Baeqc fingx yaac hnangv benx buov douz nyei zaangh,
maiv maaih haaix dauh liouh ninh nyei gorx-youz nyei maengc.
²⁰Ninh mbuo yiem mbiaauc maengx caangv
mv baac ninh mbuo corc hnyouv sie.
Ninh mbuo yiem zaaix maengx nyanc,
ninh mbuo yaac maiv beuv.
Gorqv-mienh zungv nyanc gorqv-mienh nyei fu'jueiv.⚓
²¹Maa^natv^se oix mborqv⚓ E^faa^im, E^faa^im oix mborqv Maa^natv^se,
ninh mbuo yaac lomh nzoih mborqv Yu^ndaa.
Maiv gunv hnangv naaic, ninh nyei ga'qiex corc maiv fiu.
Ninh corc sung jienv ninh nyei buoz.

9

¹但那受过痛苦的必不再见幽暗。

未来的君王

从前上帝使西布伦地和拿弗他利地被藐视，末后却使这沿海的路，约旦河东，外邦人居住的加利利地得荣耀。
²在黑暗中行走的百姓看见了大光；
住在死荫之地的人有光照耀他们。
³你使这国民众多⚓，
使他们喜乐大增；
他们在你面前欢喜，
好像收割时的欢喜，
又像人分战利品那样的快乐。
⁴因为他们所负的重轭
和肩头上的杖，
并欺压者的棍，
你都已经折断，
如同在米甸的日子一般。
⁵战士在战乱中所穿的靴子，
以及那滚在血中的衣服，
都必当作柴火燃烧。
⁶因有一婴孩为我们而生；
有一子赐给我们。
政权必担在他的肩头上；
他名称为“奇妙策士、全能的上帝、永在的父、和平的君”。
⁷他的政权与平安必加增无穷。
他必在大卫的宝座上治理他的国，
以公平公义使国坚定稳固，
从今直到永远。
万军之耶和华的热心必成就这事。

耶和华要惩罚以色列

⁸主向雅各家发出言语，
主的话临到以色列家。
⁹众百姓，就是以法莲和撒玛利亚的居民，
都将知道；
他们凭骄傲自大的心说：
¹⁰“砖块掉落了，我们要凿石头重建；
桑树砍了，我们要改种香柏树。”
¹¹因此，耶和华兴起利汛的敌人⚓前来攻击以色列，
要激起它的仇敌，
¹²东有亚兰人，西有非利士人；
他们张口吞吃以色列。
虽然如此，耶和华的怒气并未转消；
他的手依然伸出。

¹³这百姓还没有归向击打他们的主，
也没有寻求万军之耶和华。
¹⁴耶和华在一日之间
从以色列中剪除了头与尾－
棕树枝与芦苇－
¹⁵长老和显要就是头，
以谎言教人的先知就是尾。
¹⁶因为引导这百姓的使他们走入迷途，
被引导的都必被吞灭。
¹⁷所以，主不喜爱⚓他们的青年，
也不怜悯他们的孤儿和寡妇；
因为他们都是亵渎的，行恶的，
并且各人的口都说愚妄的话。
虽然如此，耶和华的怒气并未转消；
他的手依然伸出。

¹⁸邪恶如火焚烧，
吞灭荆棘和蒺藜，
在稠密的树林中点燃，
成为烟柱，旋转上腾。
¹⁹因万军之耶和华的烈怒，地都烧遍了；
百姓成为柴火，
无人怜惜弟兄。
²⁰有人右边抢夺，犹受饥饿；
左边吞吃，仍不饱足，
各人吃自己膀臂上的肉。
²¹玛拿西吞吃以法莲，
以法莲吞吃玛拿西，
他们又一同攻击犹大。
虽然如此，耶和华的怒气并未转消；
他的手依然伸出。