35
Yakhauj rov mus rau Npe‑ee
1Vajtswv hais rau Yakhauj hais tias, “Cia li sawv tsees tsiv mus rau nram Npe‑ee mus nyob nrad es tib ib lub thaj rau tus Vajtswv uas thaum koj khiav koj tus tijlaug Exau es los tshwm rau koj pom.”
2Vim li ntawd Yakhauj thiaj hais rau nws tsev neeg thiab cov neeg uas nrog nws nyob ua ke sawvdaws hais tias, “Cia li muab lwm tebchaws tej dab uas nej coj tso pov tseg huvsi thiab ua kevcai ntxuav lub cev lub siab kom kaj kom huv thiab hloov tsoos tsho huvsi.
3Peb cia li mus lawm nram Npe‑ee mas kuv yuav tib ib lub thaj rau ntawd rau tus Vajtswv uas thaum kuv raug kev txom nyem es nws teb kuv thiab nrog nraim kuv nyob rau txhua qhov chaw uas kuv tau mus.”
4Lawv txawm muab lwm haiv neeg tej dab qhuas uas lawv coj thiab muab lawv tej kauj co⚓ uas lawv coj ntawm qhov ntsej huvsi rau Yakhauj, ces Yakhauj txawm muab faus rau hauv tsob qab ntoo xeeb uas nyob ze lub moos Sekhee.
5Thaum lawv tsiv mus ntawd mas Vajtswv ua rau tej zej zog thoob plaws hauv tebchaws ntawd ntshai kawg li, lawv thiaj tsis caum Yakhauj cov tub qab.
6Yakhauj thiab nws cov neeg sawvdaws los txog ntawm Lu (uas yog Npe‑ee) uas nyob hauv Khana‑as tebchaws.
7Yakhauj txawm tib ib lub thaj rau ntawd mas hu qhov chaw ntawd ua Eenpe‑ee,⚓ vim yog qhov chaw uas thaum Yakhauj khiav nws tus tijlaug es Vajtswv los tshwm rau nws pom.
8Tus nkauj qhev Denpaula uas tu Lenpekha hlob txawm tuag mas lawv muab nws log rau hauv tsob qab ntoo xeeb nram qab Npe‑ee, mas thiaj hu tsob ntoo ntawd ua Aloo Npakhu.⚓
9Thaum Yakhauj tsiv ntawm Pada Alas rov los Vajtswv los tshwm rau Yakhauj dua ib zaug thiab foom koob hmoov rau nws.
10Vajtswv hais rau nws tias, “Koj npe hu ua Yakhauj⚓ tiamsis yuav tsis hu koj ua Yakhauj dua li lawm, yuav hu koj ua Yixayee.”⚓ Yog li no thiaj hu nws ua Yixayee.
11Thiab Vajtswv hais rau Yakhauj tias, “Kuv yog Vajtswv uas muaj hwjchim loj kawg nkaus.⚓ Koj cia li muaj tub ki huaj vam coob coob. Muaj ib haiv neeg yuav tshwm ntawm koj los thiab yuav muaj ntau haiv neeg tshwm ntawm koj los, yuav muaj tej vajntxwv tshwm ntawm koj los.
12Lub tebchaws uas kuv muab pub rau Aplahas thiab Yiha lawd kuv yeej yuav pub rau koj thiab pub rau koj caj ces mus li.”
13Vajtswv txawm tawm ntawm qhov chaw uas nrog Yakhauj tham mus lawm.
14Yakhauj txawm txhos ib tug ncej zeb cia rau ntawm qhov chaw uas Vajtswv nrog nws hais lus thiab nws muab cawv txiv hmab hliv ywg ua kevcai hliv xyeem rau saum tus ncej thiab muab roj hliv ywg tus ncej ntawd.
15Yakhauj hu qhov chaw uas Vajtswv nrog nws hais lus ntawd ua Npe‑ee.⚓
Lachee thiab Yiha tuag
16Lawv tsiv ntawm Npe‑ee mus tsis tau txog Efatha ces Lachee txawm mob plab heev thiab yug menyuam nyuaj heev.
17Thaum nws tabtom mob heev tus pojniam uas pab yug menyuam hais rau Lachee tias, “Koj tsis txhob ntshai, koj twb tau dua ib tug metub lawm.”
18Thaum nws yuav tu siav yuav tuag ntawd nws tis tus metub ntawd npe hu ua Npee‑auni⚓ tiamsis nws txiv tis npe hu ua Npeeyamee.⚓
19Ces Lachee txawm tuag lawm, mas lawv muab nws log rau ntawm ntug kev uas mus rau nram lub zos Efatha (uas yog Npelehee).
20Yakhauj muab ib tug ncej zeb txhos rau ntawm lub ntxa. Tus ncej ntawm Lachee lub ntxa mas nyob los txog niaj hnub nimno.
21Yixayee kuj tsiv rau tom ntej, mus tsa tsev ntaub nyob dhau plaws lub chaw tsom faj Edaw.
22Thaum Yixayee nyob rau hauv lub tebchaws ntawd Lunpee txawm mus nrog nws txiv tus niam yau Npiha pw. Yixayee kuj hnov txog qhov ntawd thiab.
Yakhauj muaj kaum ob tug tub.
23Le‑a cov tub yog Lunpee uas yog Yakhauj tus tub hlob, thiab Xime‑oo, Levi, Yuda, Ixakha, thiab Xenpuloo.
24Lachee cov tub yog Yauxej thiab Npeeyamee.
25Lachee tus nkauj qhev Npiha cov tub yog Daj thiab Nathali.
26Le‑a tus nkauj qhev Xilapa cov tub yog Kas thiab Asaw. Cov no yog Yakhauj cov tub uas yug ntawm Pada Alas.
27Yakhauj rov los cuag nws txiv Yiha ntawm Male uas ze lub moos Khiliya Anpa (uas yog Heploo) yog lub chaw uas thaum ub Aplahas thiab Yiha txeev ua qhua nyob.
28Yiha hnub nyoog muaj ib puas yim caum xyoo,
29nws txojsia li tu. Nws nyob laus nkoos txog caij txog nyoog li tuag mus nrog nws tej poj koob yawm txwv nyob. Nws ob tug tub Exau thiab Yakhauj thiaj coj nws mus log.
35
上帝在伯特利赐福雅各
1上帝对雅各说：“起来！上伯特利去，住在那里。在那里筑一座坛给上帝，就是你逃避你哥哥以扫的时候向你显现的上帝。”
2雅各就对他家中的人，以及所有和他一起的人说：“除掉你们中间外邦的神明，要自洁，更换衣服。
3我们要起来，上伯特利去，在那里我要筑一座坛给上帝，就是在我遭难的日子应允我，在我行走的路上与我同在的上帝。”
4他们就把手中所有外邦的神明和自己耳朵上的环子交给雅各；雅各把它们埋在示剑那里的橡树下。
5他们起行。上帝使周围城镇的人都惊恐，就不追赶雅各的儿子们了。
6于是雅各和所有与他一起的人到了迦南地的路斯，就是伯特利。
7他在那里筑了一座坛，给那地方起名叫伊勒．伯特利⚓，因为他逃避他哥哥的时候，上帝曾在那里向他显现。
8利百加的奶妈底波拉死了，葬在伯特利下边的橡树下；那棵树名叫亚伦．巴古。
9雅各从巴旦．亚兰回来，上帝又向他显现，赐福给他。
10上帝对他说：“你的名原是雅各，从今以后不要再叫雅各，你的名要叫以色列。”于是，上帝就叫他的名为以色列。
11上帝又对他说：“我是全能的上帝；你要生养众多，将来有一国和许多的国从你而来，又有许多君王从你生出⚓。
12至于我赐给亚伯拉罕和以撒的地，我必赐给你；我必赐这地给你的后裔。”
13上帝就从与雅各说话的那地方升上去了。
14雅各就在上帝与他说话的地方立了一根柱子，就是石柱，在它上面献浇酒祭，又浇油。
15雅各就给上帝与他说话的那地方起名叫伯特利。
拉结去世
16他们从伯特利起行，到以法他还有一段路程，拉结生产，生得十分艰难。
17她生得十分艰难的时候，接生婆对她说：“不要怕，你又要有一个儿子了。”
18她快要死，还有一口气的时候，就给她儿子起名叫便．俄尼⚓；他父亲却给他起名叫便雅悯⚓。
19拉结死了，葬在往以法他的路旁；以法他就是伯利恒。
20雅各在她的坟上立了一块碑，就是拉结的墓碑，到今日还在。
21以色列起行，在以得台的那一边支搭帐棚。
雅各的儿子们
（代上2．1－2）
22以色列住在那地的时候，吕便去与他父亲的妾辟拉同寝，以色列也听见了这件事⚓。
雅各共有十二个儿子。
23利亚的儿子是雅各的长子吕便，还有西缅、利未、犹大、以萨迦、西布伦。
24拉结的儿子是约瑟、便雅悯。
25拉结的婢女辟拉的儿子是但、拿弗他利。
26利亚的婢女悉帕的儿子是迦得、亚设。这是雅各在巴旦．亚兰所生的儿子。
以撒的死
27雅各来到他父亲以撒那里，到了幔利，基列．亚巴，就是希伯仑，是亚伯拉罕和以撒寄居的地方。
28以撒共活了一百八十年。
29以撒年纪老迈，安享天年，息劳而终，归到他祖先⚓那里。他两个儿子以扫和雅各把他安葬了。