13

Noâng Máh Léq Dũn Yiang Sursĩ Khlĩr Cứq?

  1Ơ Yiang Sursĩ ơi! Máh léq dũn anhia khlĩr cứq? Khlĩr mantái níc tỡ?
   Tỡ la noâng máh léq dũn anhia nguai tễ cứq?
  2Máh léq dũn mứt pahỡm cứq cóq chĩuq máh ŏ́c ngua nâi?
  Noâng máh léq dũn cứq cóq chĩuq alới ca ễ táq cứq?
  3Ơ Yiang Sursĩ la Ncháu cứq ơi!
   Sễq anhia nhêng cớp ta‑ỡi cứq.
   Sễq anhia chuai mứt cứq yỗn cỡt práih loah.
   Sễq anhia chỗi yỗn cứq cuchĩt.
   4Sễq anhia chỗi yỗn máh cũai ễ táq cứq pai neq: “Hếq khoiq riap án ki chơ!”
   Chỗi yỗn alới ỡn toâq cứq pê.
  5Cứq poâng tâng ŏ́c ayooq mantái níc tễ anhia.
   Cứq sâng bũi la‑ỡq, yuaq anhia chuai amoong cứq.
  6Ơ Yiang Sursĩ ơi! Cứq ũat khễn anhia, yuaq anhia yỗn cứq bữn moang ŏ́c o sâng.