82

Yiang Sursĩ Rablớh Cũai Ca Rasữq Cũai Canŏ́h

  1Yiang Sursĩ cỡt sốt tỗp rôm tâng paloŏng,
   dếh alới ca samoât yiang hỡ.
   Án rablớh tỗp alới neq:
  2“Nheq tữh anhia ca rasữq tỡ bữn tanoang tapứng!
   Cóq anhia chỗi ĩt noâng pahỡm cũai loâi.
  3Cóq anhia rasữq pĩeiq tễ máh cũai túh cadĩt cớp máh con cumuiq.
   Cóq anhia rablớh tanoang tễ cũai túh ngua cớp cũai túh cadĩt.
  4Cóq anhia chuai máh cũai túh arức cớp cũai túh cadĩt yỗn ỡt ien khễ.
   Cóq anhia chuai alới yỗn vớt tễ atĩ cũai sâuq.

  5“Anhia la sacũl lứq, tỡ bữn dáng ntrớu!
   Cớp anhia bữn mứt pahỡm loâi la‑ỡq!
   Anhia tỡ bữn táq muoi ramứh o ntrớu yỗn dũ náq cũai têq ỡt tanoang o.
  6Cứq khoiq pai chơ neq: ‘Anhia la samoât máh yiang tê,
   cớp dũ náq anhia la con án ca sốt toâr lứq.’
  7Ma nỡ‑ra, tỗp anhia lứq cuchĩt riang cũai canŏ́h tê.
   Dỡi tamoong anhia lứq vớt machớng máh cũai sốt canŏ́h tê.”

  8Ơ Yiang Sursĩ ơi! Sễq anhia toâq rablớh dũ náq cũai tâng cốc cutễq nâi,
   yuaq dũ cruang cũai la anhia toâp ndỡm.