120

Câu Sễq Yỗn Rachuai

  1Toâq cứq ramóh túh arức,
   cứq arô Yiang Sursĩ, cớp án ta‑ỡi cứq.
  2Ơ Yiang Sursĩ ơi! Sễq anhia chuai cứq
   yỗn vớt tễ cũai táq ntỡng lauq cớp cũai raphếq rathũ.

  3Cũai lauq ơi! Ntrớu Yiang Sursĩ ễ táq chóq anhia?
   Án ễ táq nŏ́q dŏq manrap anhia?
  4Lứq án táq anhia toâq pỗi saráh khong cũai tahan,
   cớp toâq rahững ũih hỡ.

  5Túh coat lứq bo cứq ỡt cớp anhia,
   samoât riang cứq ỡt mpứng dĩ tỗp Mê-siec cớp tỗp Kê-da.
  6Cứq ỡt mpứng dĩ cũai ca kêt ŏ́c ratoi tễ dũn chơ.
  7Tam cứq khoiq atỡng alới cóq ỡt ratoi,
   ma alới yoc ễ rachíl níc.