56

Lwm tsav neeg tau kev cawm dim

¹Yawmsaub hais li no tias,
“Cia li tuav rawv txojkev tu plaub ncaj
thiab ua raws li txojkev ncaj ncees,
rau qhov tshuav tsis ntev
kuv txojkev dim yuav los
thiab kuv txojkev cawm dim
yuav nthuav rau sawvdaws paub.
²Tus uas ua li no thiab neeg tej tub
uas coj nruj li no yuav tau nyob kaj siab lug,
yog tus uas hwm hnub Xanpatau⚓
tsis txhob ua qias puas tsuas hnub ntawd
thiab tswj nws txhais tes
tsis txhob ua ib yam phem li.”

³Tsis txhob kheev lwm haiv neeg
uas los ntseeg Yawmsaub hais tias,
“Yawmsaub yuav muab kuv cais tawm
ntawm nws haiv neeg tiag tiag,”
thiab tsis txhob kheev tus txivneej
uas chaw xis puag lawm hais tias,
“Saib maj kuv yog tus ntoo qhuav,”
⁴rau qhov Yawmsaub hais li no tias,
“Cov txivneej uas ua tsis taus txivneej
mas yog lawv hwm kuv hnub Xanpatau
thiab xaiv txhua yam uas hum kuv lub siab
thiab tuav rawv kuv tej lus cog tseg nruj,
⁵mas kuv yuav ua lub chaw nco txog
lawv cov ntawd thiab pub koob meej
rau lawv rau hauv kuv lub tuam tsev
thiab hauv kuv lub ntsa loog,
mas zoo dua li uas lawv muaj tub muaj ntxhais,
kuv yuav pub lub koob meej
uas nyob mus ib txhis rau lawv,
yuav tsis muab txiav pov tseg.
⁶Thiab lwm haiv neeg uas los ntseeg
Yawmsaub ua koom tu nws thiab nyiam
Yawmsaub lub npe thiab ua nws li tub qhe,
yog txhua tus uas hwm hnub Xanpatau
thiab tsis txhob ua qias puas tsuas hnub ntawd
thiab tuav rawv kuv tej lus cog tseg,
⁷mas kuv yuav coj cov neeg no
los txog kuv lub roob uas dawb huv,
thiab ua rau lawv zoo siab xyiv fab
rau hauv lub tuam tsev uas thov kuv.
Tej uas lawv muab hlawv xyeem
thiab tej uas lawv muab xyeem
kuv yuav zoo siab txais yuav
rau saum kuv lub thaj,
rau qhov kuv lub tuam tsev yuav hu tias
lub tsev uas txhua haiv neeg thov kuv.”
⁸Vajtswv Yawmsaub uas qaws cov Yixayee
uas poob tebchaws ua sab ua sua lawm
hais li no tias,
“Kuv yuav qaws luag lwm tus los
nrog cov uas kuv twb qaws cia lawm.”

Yawmsaub nkaug Yixayee cov thawj

⁹Txhua tus tsiaj nruab nrag
thiab txhua tus tsiaj qus⚓ hauv hav zoov,
cia li los noj lauj!
¹⁰Yixayee cov uas faj xwm dig muag,
lawv sawvdaws tsis txawj tsis ntse,
lawv sawvdaws yog dev tsis muaj suab,
lawv tsis txawj tsem,
lawv tsuas yog ua npau suav
thiab pw thiab nyiam tsaug zog.
¹¹Cov dev no tshaib heev noj tsis txawj tsau li.
Cov uas yug yaj kuj tsis nkag siab dabtsi li,
lawv sawvdaws tig rov taug lawv txojkev lawm,
txhua tus nyias mus nrhiav tej
uas muaj qabhau rau nyias xwb.
¹²Lawv hais tias, “Cia li los nawj.
Cia peb muab cawv txiv hmab los
thiab haus cawv ntxwg
kom puv nkaus peb lub cev.
Mas tagkis yuav zoo yam li hnub no,
tseem yuav loj tshaj dua no.”

56

Lwm tsaav tuabneeg tau kev cawm dim

¹Yawmsaub has le nuav tas,
“Ca le tuav rawv txujkev tu plaub ncaaj
hab ua lawv le txujkev ncaaj nceeg,
tsua qhov tshuav tsw ntev kuv txujkev dim yuav lug
hab kuv txujkev cawm dim
yuav nthuav rua suavdawg paub.
²Tug kws ua le nuav hab tuabneeg tej tub kws coj nruj le nuav
yuav tau nyob kaaj sab lug,
yog tug kws fwm nub Xanpatau⚓
tsw xob ua qas puag tsuas nub ntawd
hab tswj nwg txhais teg
tsw xob ua ib yaam phem le.”

³Tsw xob kheev lwm haiv tuabneeg kws lug ntseeg Yawmsaub has tas,
“Yawmsaub yuav muab kuv cais tawm ntawm nwg haiv tuabneeg tag tag,”
hab tsw xob kheev tug txwvneej kws chaw xws puag lawm has tas,
“Saib maj kuv yog tug ntoo qhuav,”
⁴tsua qhov Yawmsaub has le nuav tas,
“Cov txwvneej kws ua tsw taug txwvneej
mas yog puab fwm kuv nub Xanpatau
hab xaiv txhua yaam kws hum kuv lub sab
hab tuav rawv kuv tej lug cog tseg nruj,
⁵mas kuv yuav ua lub chaw ncu txug puab cov hov
hab pub koob meej rua puab
rua huv kuv lub tuam tsev hab huv kuv lub ntsaa loog,
mas zoo dua le kws puab muaj tub muaj ntxhais,
kuv yuav pub lub koob meej kws nyob moog ib txhws rua puab,
yuav tsw muab txav pov tseg.
⁶Hab lwm haiv tuabneeg kws lug ntseeg Yawmsaub ua koom rua nwg
hab nyam Yawmsaub lub npe hab ua nwg le tub qhe,
yog txhua tug kws fwm nub Xanpatau
hab tsw xob ua qas puag tsuas nub ntawd
hab tuav rawv kuv tej lug cog tseg,
⁷mas kuv yuav coj cov tuabneeg nuav
lug txug kuv lub roob kws dawb huv,
hab ua rua puab zoo sab xyiv faab
rua huv lub tuam tsev kws thov kuv.
Tej kws puab muab hlawv xyeem
hab tej kws puab muab xyeem
kuv yuav zoo sab txais yuav rua sau kuv lub thaaj,
tsua qhov kuv lub tuam tsev yuav hu tas
lub tsev kws txhua haiv tuabneeg thov kuv.”
⁸Vaajtswv Yawmsaub kws qaws cov Yixayee
kws poob tebchaws ua saab ua sua lawm has le nuav tas,
“Kuv yuav qaws luas lwm tug lug
nrug cov kws kuv tub qaws ca lawm.”

Yawmsaub nkaug Yixayee cov thawj

⁹Txhua tug tsaj nruab nraag
hab txhua tug tsaj qus⚓ huv haav zoov,
ca le lug noj lauj!
¹⁰Yixayee cov kws faaj xwm dig muag,
puab suavdawg tsw txawj tsw ntse,
puab suavdawg yog dev tsw muaj suab,
puab tsw txawj tsej,
puab tsuas yog ua npau suav
hab pw hab nyam tsaug zug.
¹¹Cov dev nuav tshaib heev noj tsw txawj tsau le.
Cov kws yug yaaj kuj tsw nkaag sab daabtsw le,
puab suavdawg tig rov taug puab txujkev lawm,
txhua tug nyag moog nrhav
tej kws muaj qaabhau rua nyag xwb.
¹²Puab has tas, “Ca le lug nawj.
Ca peb muab cawv txwv maab lug
hab haus cawv ntxws kuas puv nkaus peb lub cev.
Mas pigkig yuav zoo yaam le nub nua,
tseed yuav luj tshaaj dua nuav.”