7

Tej lus uas hais rau Aha

¹Thaum Aha uas yog Yauthas tus tub thiab yog Uxiya tus xeeb ntxwv ua vajntxwv kav Yuda tebchaws, mas Alas⚓ tus vajntxwv Lexi thiab Yixayee tus vajntxwv Pekha uas yog Lemaliya tus tub tuaj ua rog rau lub nroog Yeluxalees, tiamsis ntaus tsis yeej. ²Thaum muaj neeg mus hais rau hauv Davi caj ces tias, “Cov Alas tuaj koom nrog cov Efa‑i lawm,” mas vajntxwv thiab cov pejxeem lub siab ntshai tshee hnyo yam li tej ntoo uas raug cua ntsawj.
³Yawmsaub thiaj hais rau Yaxaya tias, “Koj thiab koj tus tub Se‑ayasu⚓ cia li tawm mus ntsib Aha ntawm tus ciav dej uas ntws los rau lub pas sab ped, yog ntawm txojkev uas mus rau daim teb Ntxhua Xov, ⁴mas hais rau nws tias, ‘Koj cia li ceev faj, ua siab tus tsis txhob ntshai thiab tsis txhob poob siab rau ob yav nyuag tw taws uas ncho pa no, uas yog Lexi thiab cov Alas, thiab yog Lemaliya tus tub txojkev npau taws. ⁵Cov Alas thiab cov Efa‑i thiab Lemaliya tus tub tau ntaus tswvyim ua phem rau koj hais tias, ⁶“Cia peb mus ua rog rau Yuda thiab muab lawv dua rhe thiab txeeb Yuda rau peb, thiab tsa Thanpe‑ee tus tub ua vajntxwv kav lawv.” ⁷Vajtswv Yawmsaub hais li no tias,

“ ‘Lawv tej tswvyim yuav tsis muaj,
ua tsis tau tshwm los.
⁸Rau qhov Alas lub taubhau
yog lub nroog Damaxaka,
Damaxaka lub taubhau tsuas yog Lexi xwb.
Tsis dhau rau caum tsib xyoo
Efa‑i yuav tawg tag ua tej dwb daim,
thiab ua tsis tsheej ib haiv neeg lawm.
⁹Efa‑i lub taubhau yog lub nroog Xamali,
thiab Xamali lub taubhau
tsuas yog Lemaliya tus tub xwb.
Yog nej tsis tso siab tiag tiag,
nej yuav tsis nyob ruaj khov kiag li.’ ”

Yuav yug Emanu‑ee

¹⁰Yawmsaub rov hais rau Aha tias, ¹¹“Cia li thov ib yam txujci ntawm Yawmsaub uas yog koj tus Vajtswv, txawm yog nyob tob li tub tuag teb lossis siab li saum ntuj kuj tau.” ¹²Tiamsis Aha hais tias, “Kuv yuav tsis thov thiab kuv yuav tsis sim Yawmsaub.” ¹³Mas Yaxaya hais tias, “Davi caj ces 'e, cia li tig ntsej mloog. Qhov uas nej ua rau neeg dhuav nej, tsis txaus lov es nej tseem ua rau kuv tus Vajtswv dhuav thiab lov? ¹⁴Vim li no Yawmsaub yuav pub txujci tshwm rau nej ntag. Saib maj, ib tug ntxhais hluas⚓ yuav xeeb menyuam thiab yug tau ib tug tub, thiab yuav tis npe hu ua Emanu‑ee.⚓ ¹⁵Nws yuav noj kua mis nyeem thiab zib ntab rau thaum nws paub tseg qhov phem thiab xaiv yuav qhov zoo. ¹⁶Ua ntej uas tus menyuam ntawd paub tseg qhov phem thiab xaiv yuav qhov zoo, ob tug vajntxwv uas koj ntshai kawg ntawd li tebchaws yuav nyob do cuas cia. ¹⁷Yawmsaub yuav coj Axilia tus vajntxwv los ntaus koj thiab koj cov neeg thiab koj txiv caj ces, yog tej xwm txheej uas txij thaum Efa‑i ncaim ntawm Yuda los tsis tau muaj dua li.”
¹⁸Hnub ntawd Yawmsaub yuav xuav hu tej yoov nyuj uas nyob ntawm tej hauv dej hauv Iyi tebchaws thiab tej ntab uas nyob hauv Axilia tebchaws tuaj. ¹⁹Tej ntawd huvsi yuav tuaj nyob puv nkaus tej khuab rooj khuab ha thiab tej kem zeb thiab nyob saum tej tsob pos thiab tej tshav zaub huvsi.
²⁰Hnub ntawd Yawmsaub yuav xuas rab chais uas nws ntiav ntawm tus dej Yufeti sab hnub tuaj uas yog Axilia tus vajntxwv ntag tuaj chais tej plaubhau thiab tej plaub ntawm kotaw thiab yuav kuam kiag tej hwj txwv pov tseg.
²¹Hnub ntawd ib leeg yuav yug ib tug xyuas nyuj thiab ob tug yaj. ²²Vim tej tsiaj pub kua mis ntau nplua mias, nws yuav tau noj kua mis nyeem. Txhua tus uas tseem tshuav nyob hauv lub tebchaws yuav tau noj kua mis nyeem thiab zib ntab.
²³Hnub ntawd txhua thaj uas txeev muaj txiv hmab ib txhiab tsob uas tau nqe ib txhiab sekhee nyiaj,⚓ yuav ntxeev ua pos kaus ntsaj pos kaus ntsim. ²⁴Tej neeg uas tuaj rau qhov ntawd yuav coj hneev coj xub tuaj, vim thoob tebchaws tsuas yog muaj pos kaus ntsaj pos kaus ntsim. ²⁵Thiab tej pov roob uas lawv txeev xuas hlau ncaws, nej yuav mus tsis txog qhov ntawd vim ntshai pos kaus ntsaj pos kaus ntsim. Tej pov roob ntawd yuav ua chaw rau luag tso nyuj thiab ua chaw rau yaj tsuj.

7

Tej lug kws has rua Aha

¹Thaus Aha kws yog Yauthaa tug tub hab yog Uxiya tug xeeb ntxwv ua vaajntxwv kaav Yuta tebchaws, mas Alaa⚓ tug vaajntxwv Lexi hab Yixayee tug vaajntxwv Pekha kws yog Lemaliya tug tub tuaj ua rog rua lub nroog Yeluxalee, tassws ntaus tsw yeej. ²Thaus muaj tuabneeg moog has rua huv Tavi caaj ceg tas, “Cov Alaa tuaj koom nrug cov Efa‑i lawm,” mas vaajntxwv hab cov pejxeem lub sab ntshai tshee quas nyo yaam le tej ntoo kws raug cua ntsawj.
³Yawmsaub txhad has rua Yaxaya tas, “Koj hab koj tug tub Se‑ayasu⚓ ca le tawm moog ntswb Aha ntawm tug cav dej kws ndwg lug rua lub paag saab peg, yog ntawm txujkev kws moog rua daim teb Ntxhua Xuv, ⁴mas has rua nwg tas, ‘Koj ca le ceev faaj, ua sab tug tsw xob ntshai hab tsw xob poob sab rua ob yaav nyuas qaab tawg kws nchu paa nuav, kws yog Lexi hab cov Alaa, hab yog Lemaliya tug tub txujkev npau tawg. ⁵Cov Alaa hab cov Efa‑i hab Lemaliya tug tub tau ntaus tswvyim ua phem rua koj has tas, ⁶“Ca peb moog ua rog rua Yuta hab muab puab dua rhe hab txeeb Yuta rua peb, hab tsaa Thanpe‑ee tug tub ua vaajntxwv kaav puab.” ⁷Vaajtswv Yawmsaub has le nuav tas,

“ ‘Puab tej tswvyim yuav tsw muaj,
ua tsw tau tshwm lug.
⁸Tsua qhov Alaa lub taubhau
yog lub nroog Ntamaxaka,
Ntamaxaka lub taubhau tsuas yog Lexi xwb.
Tsw dhau rau caum tswb xyoo
Efa‑i yuav tawg taag ua tej dwb daim,
hab ua tsw tsheej ib haiv tuabneeg lawm.
⁹Efa‑i lub taubhau yog lub nroog Xamali,
hab Xamali lub taubhau
tsuas yog Lemaliya tug tub xwb.
Yog mej tsw tso sab tag tag,
mej yuav tsw nyob ruaj khov hlo le.’ ”

Yuav yug Emanu‑ee

¹⁰Yawmsaub rov has rua Aha tas, ¹¹“Ca le thov ib yaam txujci ntawm Yawmsaub kws yog koj tug Vaajtswv, txawm yog nyob tub le tub tuag teb lossws sab le sau ntuj kuj tau.” ¹²Tassws Aha has tas, “Kuv yuav tsw thov hab kuv yuav tsw swm Yawmsaub.” ¹³Mas Yaxaya has tas, “Tavi caaj ceg 'e, ca le tig ntsej noog. Qhov kws mej ua rua tuabneeg dhuav mej, tsw txaus lov es mej tseed ua rua kuv tug Vaajtswv dhuav hab lov? ¹⁴Vem le nuav Yawmsaub yuav pub txujci tshwm rua mej ntaag. Saib maj, ib tug ntxhais hluas⚓ yuav xeeb mivnyuas hab yug tau ib tug tub, hab yuav tis npe hu ua Emanu‑ee.⚓ ¹⁵Nwg yuav noj kua mig nyeem hab zwb ntaab rua thaus nwg paub tseg qhov phem hab xaiv yuav qhov zoo. ¹⁶Ua ntej kws tug mivnyuas hov paub tseg qhov phem hab xaiv yuav qhov zoo, ob tug vaajntxwv kws koj ntshai kawg hov le tebchaws yuav nyob do cuas ca. ¹⁷Yawmsaub yuav coj Axilia tug vaajntxwv lug ntaus koj hab koj cov tuabneeg hab koj txwv caaj ceg, yog tej xwm txheej kws txwj thaus Efa‑i ncaim ntawm Yuta lug tsw tau muaj dua le.”
¹⁸Nub hov Yawmsaub yuav xuav hu tej yoov nyuj kws nyob ntawm tej hauv dej huv Iyi tebchaws hab tej ntaab kws nyob huv Axilia tebchaws tuaj. ¹⁹Tej hov huvsw yuav tuaj nyob puv nkaus tej khuab rooj khuab haa hab tej kem zeb hab nyob sau tej xuav paug hab tej tshaav zaub huvsw.
²⁰Nub hov Yawmsaub yuav xuas raab chais kws nwg ndav ntawm tug dej Yufeti saab nub tuaj kws yog Axilia tug vaajntxwv ntaag tuaj chais tej plaubhau hab tej plaub ntawm kwtaw hab yuav kuam hlo tej fwj txwv pov tseg.
²¹Nub hov ib leeg yuav yug ib tug xyuas nyuj hab ob tug yaaj. ²²Vem tej tsaj pub kua mig ntau nplua mag, nwg yuav tau noj kua mig nyeem. Txhua tug kws tseed tshuav nyob huv lub tebchaws yuav tau noj kua mig nyeem hab zwb ntaab.
²³Nub hov txhua thaaj kws txeev muaj txwv maab ib txheeb tsob kws tau nqe ib txheeb sekhee nyaj,⚓ yuav ntxeev ua xuav paug ntsaaj xuav paug ntswm. ²⁴Tej tuabneeg kws tuaj rua hov ntawd yuav coj neev coj xub tuaj, vem thoob tebchaws tsuas yog muaj xuav paug ntsaaj xuav paug ntswm. ²⁵Hab tej pov roob kws puab txeev xuas hlau ncaws, mej yuav moog tsw txug hov ntawd vem ntshai xuav paug ntsaaj xuav paug ntswm. Tej pov roob hov yuav ua chaw rua luas tso nyuj hab ua chaw rua yaaj tsuj.