1

Lub tebchaws uas muaj txim loj

¹No yog Yaxaya uas yog Amoj tus tub ua yog toog pom txog Yuda thiab Yeluxalees rau ncua sijhawm uas Uxiya thiab Yauthas thiab Aha thiab Hexekhiya ua vajntxwv kav Yuda tebchaws.
²Lub ntuj 'e, cia li mloog,
lub ntiajteb 'e cia li tig ntsej mloog,
rau qhov Yawmsaub tau hais lus tias,
“Kuv tau tu menyuam thiab pub kom hlob,
tiamsis lawv tau fav xeeb rau kuv lawm.
³Nyuj kuj paub nyuj tus tswv,
thiab nees luav kuj paub
tus tswv lub dab zaub,
tiamsis cov Yixayee tsis paub,
kuv haiv neeg tsis nkag siab.”

⁴Lub tebchaws uas muaj txim 'e,
nej yog haiv neeg ris lub txim loj,
yog cov neeg phem li noob,
yog cov tub ki uas ua kev phem kev qias.
Lawv twb tso Yawmsaub tseg,
lawv saib tsis taus tus uas Dawb Huv
hauv cov Yixayee, lawv tig nrob qaum rau nws lawm.
⁵Ua cas nej tseem xav
raug nplawm ntxiv thiab?
Ua cas nej tseem fav xeeb mus li?
Nej lub taubhau mob thoob tag,
nej lub siab kuj qaug zog tag.
⁶Txij ntua ntawm xib taws
mus thoob plaws saum taubhau,
tsis muaj ib qho zoo kiag li
tsuas yog dhoog ntsuab tag
thiab ua kiav txhab kua paug
thiab ntshav txia txev,
tsis tau muab tso kua paug tawm
thiab tsis qhwv li
lossis muab roj pleev kom nqeg.
⁷Nej lub tebchaws raug muab
tso tseg nyob do cuas,
nej tej moos kuj raug hluavtaws kub,
lwm haiv neeg muab nej lub tebchaws
ua puam tsuaj tab meeg nej,
thiaj li nyob do cuas yam li
raug lwm haiv neeg muab ua piam tag.
⁸Xi‑oo tus ntxhais kuj raug muab tso tseg
ib yam lub tsev pheeb suab
hauv lub vaj txiv hmab,
thiab yam li lub tsev pheeb suab
hauv daim teb dib,
zoo li lub moos uas raug muab vij cia.
⁹Yog Yawmsaub uas muaj hwjchim loj kawg
tsis tseg peb ib txhia cia,
ces peb kuj yuav zoo ib yam li lub moos
Xaudoo thiab zoo li lub moos Kaumaula.

¹⁰Nej cov uas kav lub moos Xaudoo,
cia li mloog Yawmsaub tej lus.
Nej cov neeg hauv lub moos Kaumaula,
cia li tig ntsej mloog
peb tus Vajtswv tej lus qhia.
¹¹Yawmsaub hais tias, “Tej qhov txhia chaw
uas nej xyeem ntau kawg ntawd
muaj nuj nqes dabtsi rau kuv?
Kuv dhuav tej txiv yaj
uas muab ua kevcai hlawv xyeem,
thiab tej hlab hluas roj ntawm tej tsiaj
uas hwv rog rog lawm.
Kuv tsis zoo siab rau tej txiv nyuj li ntshav
thiab tej menyuam yaj
thiab tej txiv tshis li ntshav.
¹²Thaum nej tuaj rau ntawm kuv xubntiag
leejtwg kom nej tsuj mus tsuj los
hauv kuv lub tuam tsev li no?
¹³Tsis txhob coj tej uas tsis muaj qabhau
tuaj xyeem dua li lawm,
tej hmoov tshuaj tsw qab
yog yam uas kuv ntxub kawg.
Hnub hli xiab thiab hnub Xanpatau⚓
thiab qhov uas nej hu kom tuaj txoos ua ke,
mas kuv thev tsis taus tej kev txhaum
uas nej tuaj txoos ua ke caiv so ntawd.
¹⁴Kuv lub siab ntxub tej kevcai hnub hli xiab
thiab nej tej kevcai uas teem cia,
tej ntawd ua lub nra hnyav
rau kuv ris dhuav heev lawm.
¹⁵Thaum nej tsa tes thov,
kuv yuav fee plhu ntawm nej,
txawm yog nej yuav thov ntau ntau,
kuv yuav tsis mloog.
Nej txhais tes lo ntshav tag.
¹⁶Cia li ntxuav nej lub cev,
cia li tu nej lub cev kom huv,
cia li rho nej tej kev phem tawm mus
dhau kuv lub qhov muag,
cia li tseg tsis txhob ua phem,
¹⁷cia li kawm paub ua zoo,
cia li txiav txim ncaj,
cia li tso tus uas raug quab yuam dim,
cia li tuav cov menyuam ntsuag
tsis muaj txiv txojcai,
thiab pab tus poj ntsuam hais plaub.”

¹⁸Yawmsaub hais tias, “Cia li tuaj,
peb sib cam txog tej no.
Txawm yog nej lub txim liab ploog
los yuav dawb li daus xib daus npu,
txawm yog liab ploog li ntshav,
los yuav dawb li plaub yaj.
¹⁹Yog nej kam thiab mloog lus,
nej yuav tau noj tej yam zoo
hauv lub tebchaws.
²⁰Tiamsis yog nej tsis kam thiab fav xeeb,
nej yuav raug hniav ntaj puam tsuaj tag,
rau qhov Yawmsaub lub qhov ncauj
twb hais cia lawm.”

²¹Lub nroog uas txeev xib rau Vajtswv
ntxeev ua poj muag cev lawm lauj!
Nws txeev tu plaub ncaj xwb xwb li.
Txojkev ncaj ncees txeev nyob hauv nws,
tiamsis nimno tsuas muaj
cov uas tua neeg nyob xwb.
²²Koj tej nyiaj ntxeev ua quav nyiaj tag lawm,
koj tej cawv txiv hmab xyaw dej lawm.
²³Koj cov thawj ua cov uas fav xeeb
thiab nrog tub sab ua phoojywg lawm.
Txhua tus nyiam nyiaj xiab
thiab nrhiav nrhw tej uas luag pub.
Lawv tsis tuav tej menyuam ntsuag
tsis muaj txiv txojcai,
thiab lawv tsis txais
tej poj ntsuam tshaj plaub hais.
²⁴Vim li no, tug Tswv
uas yog Yawmsaub muaj hwjchim loj kawg,
yog Yixayee tus Vajtswv uas loj dua ntais,
thiaj hais tias, “Saib maj,
kuv yuav nchuav kuv txojkev npau taws
rau saum kuv cov yeeb ncuab,
thiab ua pauj rau kuv cov tshawj chim.
²⁵Kuv yuav tig kuv txhais tes tawm tsam koj,
thiab kuv yuav muab koj nchuav
hauv lub yeej vub
kom cov quav nyiaj tawm mus,
thiab rho tej uas txuam hauv nej tawm mus.
²⁶Kuv yuav pub koj muaj
cov uas tu plaub zoo li yav thaum ub,
thiab pub tus uas ua chaw sablaj
zoo yam li qub rau nej.
Dhau ntawd mus luag yuav hu koj tias l
ub nroog ncaj ncees,
thiab lub nroog uas xib rau Vajtswv.”

²⁷Vajtswv txiav txim ncaj thiaj li txhiv Xi‑oo,
thiab nws txojkev ncaj ncee txhiv
cov neeg hauv Xi‑oo uas ntxeev dua siab.
²⁸Tiamsis cov uas fav xeeb
thiab cov uas muaj txim
yuav raug puam tsuaj huvsi,
thiab cov uas tso Yawmsaub tseg
yuav raug muab ntxuav pov tseg.
²⁹“Nej yuav txaj muag rau tsob ntoo xeeb
uas nej nyiam ntawd,
thiab nej plhu yuav liab rau lub vaj
uas nej xaiv cia.
³⁰Nej yuav zoo yam li tsob ntoo qheb
uas nplooj qhuav tag,
thiab zoo li lub vaj uas tsis muaj dej.
³¹Tus uas muaj zog yuav zoo li
qhov nyuag ntoo zes taws,
thiab nws tej haujlwm zoo li
lub nyuag txim taws,
ob yam no puavleej yuav
kub hnyiab tag huvsi,
tsis muaj leejtwg tua tau li.”

1

Lub tebchaws kws muaj txem luj

¹Nuav yog Yaxaya kws yog Amoj tug tub ua yug quas toog pum txug Yuta hab Yeluxalee rua ncua swjhawm kws Uxiya hab Yauthaa hab Aha hab Hexekhiya ua vaajntxwv kaav Yuta tebchaws.

²Lub ntuj 'e, ca le noog, lub nplajteb 'e ca le tig ntsej noog,
tsua qhov Yawmsaub tau has lug tas,
“Kuv tau tu mivnyuas hab pub kuas hlub,
tassws puab tau faav xeeb rua kuv lawm.
³Nyuj kuj paub nyuj tug tswv,
hab neeg luav kuj paub tug tswv lub daab zaub,
tassws cov Yixayee tsw paub,
kuv haiv tuabneeg tsw nkaag sab.”

⁴Lub tebchaws kws muaj txem 'e,
mej yog haiv tuabneeg rws lub txem luj,
yog cov tuabneeg phem le noob,
yog cov tub ki kws ua kev phem kev qas.
Puab tub tso Yawmsaub tseg,
puab saib tsw taug tug kws Dawb Huv huv cov Yixayee,
puab tig nraus qaum rua nwg lawm.
⁵Ua caag mej tseed xaav raug nplawm ntxwv hab?
Ua caag mej tseed faav xeeb moog le?
Mej lub taubhau mob thoob taag,
mej lub sab kuj qaug zug taag.
⁶Txwj ntawm xwb taw moog thoob plawg sau taubhau,
tsw muaj ib qho zoo hlo le tsuas yog ntsoog ntsuab taag
hab ua kav txhaab kua paug hab ntshaav txa quas txev,
tsw tau muab tsu kua paug tawm
hab tsw qhwv le lossws muab roj pleev kuas nqeg.
⁷Mej lub tebchaws raug muab
tso tseg nyob do cuas,
mej tej moos kuj raug suavtawg kub,
lwm haiv tuabneeg muab mej lub tebchaws
ua puam tsuaj taab meeg mej,
txhad le nyob do cuas yaam le
raug lwm haiv tuabneeg muab ua pam taag.
⁸Xi‑oo tug ntxhais kuj raug muab tso tseg
ib yaam lub tsev pheeb suav huv lub vaaj txwv maab,
hab yaam le lub tsev pheeb suav huv daim teb dib,
zoo le lub moos kws raug muab vej ca.
⁹Yog Yawmsaub kws muaj fwjchim luj kawg
tsw tseg peb ib txha ca,
tes peb kuj yuav zoo ib yaam le lub moos Xauntoo
hab zoo le lub moos Kaumaula.

¹⁰Mej cov kws kaav lub moos Xauntoo,
ca le noog Yawmsaub tej lug.
Mej cov tuabneeg huv lub moos Kaumaula,
ca le tig ntsej noog peb tug Vaajtswv tej lug qha.
¹¹Yawmsaub has tas, “Tej hov txhua chaw
kws mej xyeem ntau kawg hov
muaj nuj nqes daabtsw rua kuv?
Kuv dhuav tej txwv yaaj
kws muab ua kevcai hlawv xyeem,
hab tej npluag roj ntawm tej tsaj
kws fwb rog rog lawm.
Kuv tsw zoo sab rua tej txwv nyuj
le ntshaav hab tej mivnyuas yaaj
hab tej txwv tshws le ntshaav.
¹²Thaus mej tuaj rua ntawm kuv xubndag
leejtwg kuas mej tsuj moog tsuj lug
huv kuv lub tuam tsev le nuav?
¹³Tsw xob coj tej kws tsw muaj qaabhau
tuaj xyeem dua le lawm,
tej moov tshuaj tsw qaab yog yaam kws kuv ntxub kawg.
Nub hli xab hab nub Xanpatau⚓
hab qhov kws mej hu kuas tuaj txoos ua ke,
mas kuv thev tsw taug tej kev txhum
kws mej tuaj txoos ua ke caiv su hov.
¹⁴Kuv lub sab ntxub tej kevcai nub hli xab
hab mej tej kevcai kws teem ca,
tej hov ua lub nraa nyaav rua kuv rws dhuav heev lawm.
¹⁵Thaus mej tsaa teg thov,
kuv yuav fee plhu ntawm mej,
txawm yog mej yuav thov ntau ntau,
kuv yuav tsw noog.
Mej txhais teg lu ntshaav taag.
¹⁶Ca le ntxuav mej lub cev,
ca le tu mej lub cev kuas huv,
ca le rhu mej tej kev phem tawm moog
dhau kuv lub qhov muag,
ca le tseg tsw xob ua phem,
¹⁷ca le kawm paub ua zoo, ca le txav txem ncaaj,
ca le tso tug kws raug quab yuam dim,
ca le tuav cov mivnyuas ntsuag tsw muaj txwv txujcai,
hab paab tug puj ntsuag has plaub.”

¹⁸Yawmsaub has tas, “Ca le tuaj,
peb sws caam txug tej nuav.
Txawm yog mej lub txem lab ploog
los yuav dawb le daus xwb daus npu,
txawm yog lab ploog le ntshaav,
los yuav dawb le plaub yaaj.
¹⁹Yog mej kaam hab noog lug,
mej yuav tau noj tej yaam zoo huv lub tebchaws.
²⁰Tassws yog mej tsw kaam hab faav xeeb,
mej yuav raug nav ntaaj puam tsuaj taag,
tsua qhov Yawmsaub lub qhov ncauj
tub has ca lawm.”

²¹Lub nroog kws txeev xwb rua Vaajtswv
ntxeev ua puj muag cev lawm lauj!
Nwg txeev tu plaub ncaaj xwb xwb le.
Txujkev ncaaj nceeg txeev nyob huv nwg,
tassws nwgnuav tsuas muaj cov kws tua tuabneeg nyob xwb.
²²Koj tej nyaj ntxeev ua quav nyaj taag lawm,
koj tej cawv txwv maab xyaw dej lawm.
²³Koj cov thawj ua cov kws faav xeeb
hab nrug tub saab ua phoojywg lawm.
Txhua tug nyam nyaj xab
hab nrhav quas nrhw tej kws luas pub.
Puab tsw tuav tej mivnyuas ntsuag tsw muaj txwv txujcai,
hab puab tsw txais tej puj ntsuag tshaaj plaub has.
²⁴Vem le nuav, tug Tswv,
kws yog Yawmsaub muaj fwjchim luj kawg,
yog Yixayee tug Vaajtswv kws luj dua ndais,
txhad has tas, “Saib maj,
kuv yuav nchuav kuv txujkev npau tawg
rua sau kuv cov yeeb ncuab,
hab pauj taub rua kuv cov tshawj chim.
²⁵Kuv yuav tig kuv txhais teg tawm tsaam koj,
hab kuv yuav muab koj nchuav
huv lub yeej vub kuas cov quav nyaj tawm moog,
hab rhu tej kws txuam huv mej tawm moog.
²⁶Kuv yuav pub koj muaj cov kws tu plaub zoo le yaav thau u,
hab pub tug kws ua chaw sablaaj zoo yaam le qub rua mej.
Dhau ntawd moog luas yuav hu koj tas lub nroog ncaaj nceeg,
hab lub nroog kws xwb rua Vaajtswv.”

²⁷Vaajtswv txav txem ncaaj txhad le txhwv Xi‑oo,
hab nwg txujkev ncaaj nceeg
txhwv cov tuabneeg huv Xi‑oo kws ntxeev dua sab.
²⁸Tassws cov kws faav xeeb hab cov kws muaj txem
yuav raug puam tsuaj huvsw,
hab cov kws tso Yawmsaub tseg
yuav raug muab ntxuav pov tseg.
²⁹“Mej yuav txaaj muag rua tsob ntoo xeeb kws mej nyam hov,
hab mej plhu yuav lab rua lub vaaj kws mej xaiv ca.
³⁰Mej yuav zoo yaam le tsob ntoo qheb
kws nplooj qhuav taag,
hab zoo le lub vaaj kws tsw muaj dej.
³¹Tug kws muaj zug yuav zoo le qhov nyuas ntoo zws tawg,
hab nwg tej num zoo le lub nyuas txaim tawg,
ob yaam nuav puavleej yuav kub nyab taag huvsw,
tsw muaj leejtwg tua tau le.”