71

Klei Sa Čô Mnuih Mduôn Wah Lač

¹Ơ Yêhôwa, kâo đuĕ dăp hlăm ih;
đăm brei arăng tuôm bi hêñ kâo ôh.
²Hlăm klei kpă ênô ih, bi mtlaih kâo leh anăn bi êngiê kâo;
mđing knga kơ kâo, leh anăn bi mtlaih kâo.
³Brei ih jing boh tâo kơ kâo dưi đuĕ dăp nanao,
ih mtă leh čiăng bi mtlaih kâo,
kyuadah ih jing boh tâo kâo leh anăn kđông mgang kâo.
⁴Ơ Aê Diê kâo, bi mtlaih kâo mơ̆ng kngan phung ƀai,
mơ̆ng kngan mnuih wê leh anăn jhŏng ƀai.
⁵Kyuadah ih jing pô kâo čang hmăng, Ơ Khua Yang,
ih jing pô kâo knang mơ̆ng kâo hđeh, Ơ Yêhôwa.
⁶Ih krơ̆ng kâo dơ̆ng mơ̆ng hruê amĭ kkiêng kơ kâo;
ih yơh brei kâo kbiă mơ̆ng tian amĭ kâo.
Kâo srăng bi mni kơ ih nanao.

⁷Kâo jing mnơ̆ng bi kngăr kơ lu mnuih;
ƀiădah ih jing anôk kjăp kâo đuĕ dăp.
⁸Ƀăng êgei kâo bŏ hŏng klei bi mni kơ ih,
leh anăn hưn klei guh kơang ih jih hruê.
⁹Đăm hngah kơ kâo ôh tơdah kâo mduôn;
tơdah klei ktang kâo đuĕ, đăm lui hĕ kâo ôh.
¹⁰Kyuadah phung roh kâo blŭ djŏ kơ kâo,
phung kăp bi mdjiê kâo trông čhai hdơ̆ng diñu,
¹¹leh anăn lač, “Aê Diê lui ñu leh;
tiŏ ñu, mă ñu,
kyuadah amâo mâo pô dưi bi mtlaih ñu ôh.”

¹²Ơ Aê Diê, đăm dôk kbưi mơ̆ng kâo ôh;
Ơ Aê Diê kâo, ruăt đru kâo!
¹³Brei phung kčŭt kơ kâo mâo klei hêñ leh anăn rai tuč;
brei phung duah čiăng ngă kơ kâo
mâo klei hêñ leh anăn arăng amâo lŏ mpŭ kơ diñu ôh.
¹⁴Bi kâo, kâo srăng čang hmăng nanao,
leh anăn bi mni kơ ih lu hĭn êjai.
¹⁵Ƀăng êgei kâo srăng hưn bruă kpă ênô ih,
leh anăn yăl dliê jih hruê bruă klei ih bi mtlaih,
kyuadah kâo amâo dưi tĭng yap bruă anăn ôh.
¹⁶Kâo srăng hriê yăl dliê kơ bruă myang Khua Yang Yêhôwa;
kâo srăng hưn klei kpă ênô ih, knŏng hjăn klei kpă ênô ih yơh.

¹⁷Ơ Aê Diê, ih bi hriăm kâo leh mơ̆ng kâo hđeh,
leh anăn ăt kâo hưn bruă yuôm bhăn ih.
¹⁸Tơdah kâo mduôn leh anăn ƀŭk kô̆ leh,
đăm lui kâo ôh, Ơ Aê Diê,
tơl kâo hưn leh klei ktang ih kơ jih jang ênuk anei,
klei myang ih kơ phung ênuk êdei.
¹⁹Klei kpă ênô ih, Ơ Aê Diê, truh ti adiê dlông.
Ih ngă leh lu bruă prŏng,
Ơ Aê Diê, hlei jing msĕ si ih?
²⁰Ih pô brei kâo tŭ leh lu klei knap mñai prŏng,
srăng lŏ bi hdĭp kâo;
mơ̆ng ƀăng êlam lăn ala, ih srăng lŏ bi hdĭp kâo.
²¹Ih srăng mjing kâo prŏng hĭn,
leh anăn lŏ bi juh kâo.
²²Kâo srăng bi mni kơ ih hŏng asăp đĭng,
kyua klei sĭt suôr ih, Ơ Aê Diê kâo.
Kâo srăng mmuñ bi mni kơ ih hŏng đĭng buôt,
Ơ Pô Doh Jăk phung Israel.
²³Ƀăng kƀông kâo srăng ur hơ̆k
tơdah kâo mmuñ bi mni kơ ih;
wăt mngăt kâo ih bi tui leh srăng bi mni kơ ih msĕ mơh.
²⁴Êlah kâo srăng hưn klei kpă ênô ih jih hruê;
kyuadah arăng bi hêñ leh phung duah ngă kơ kâo.

71

Lời cầu nguyện của người già cả

¹Lạy Chúa, Ngài là nơi che chở tôi.
Xin đừng để tôi bị sỉ nhục.
²Vì Ngài luôn làm điều công chính,
xin hãy cứu tôi;
hãy lắng nghe và giải cứu tôi.
³Xin làm nơi trú ẩn an toàn cho tôi.
Xin làm đồn lũy bảo vệ tôi,
vì Ngài là khối đá và là nơi tôi ẩn náu.
⁴Lạy Thượng Đế, xin cứu tôi khỏi quyền lực kẻ ác,
khỏi tầm tay của kẻ bất công
và người hung ác.
⁵Lạy Chúa, Ngài là hi vọng của tôi,
là Đấng tôi tin cậy từ buổi ấu thơ.
⁶Tôi đã nhờ cậy Ngài từ khi mới lọt lòng mẹ;
Chúa đã giúp tôi từ lúc tôi mới chào đời.
Tôi sẽ luôn luôn ca ngợi Ngài⚓.
⁷Tôi sẽ là một tấm gương cho nhiều người,
vì Ngài là Đấng che chở tôi.
⁸Tôi luôn luôn ca tụng Ngài;
suốt ngày tôi tôn kính Ngài.
⁹Xin đừng từ bỏ tôi khi tôi về già;
đừng xa tôi khi sức tôi suy tàn.
¹⁰Kẻ thù lập mưu hại tôi,
chúng nhóm họp lại định giết tôi.
¹¹Chúng bảo nhau, “Thượng Đế bỏ nó rồi.
Chúng ta hãy đuổi theo bắt lấy nó
vì chẳng ai cứu nó đâu.”
¹²Lạy Thượng Đế, xin chớ đứng xa.
Lạy Chúa của tôi, xin hãy mau đến giúp tôi.
¹³Xin hãy khiến những kẻ tố cáo tôi
bị xấu hổ và tiêu diệt.
Nguyện kẻ lập tâm hại tôi
bị sỉ nhục và nhuốc nhơ bao trùm.
¹⁴Nhưng tôi sẽ luôn luôn nuôi hi vọng
và ca tụng Ngài càng ngày càng gia tăng.
¹⁵Tôi sẽ thuật lại sự công chính của Chúa.
Suốt ngày tôi sẽ kể lại sự cứu rỗi Chúa,
dù tôi không đếm hết được.
¹⁶Lạy Chúa, tôi sẽ thuật lại các việc quyền năng Chúa.
Tôi sẽ nhắc nhở mọi người rằng chỉ một mình Ngài làm điều công chính.
¹⁷Lạy Thượng Đế, Ngài đã dạy tôi từ khi tôi còn thơ ấu.
Cho đến nay tôi vẫn thuật lại phép lạ Ngài làm.
¹⁸Dù khi tôi già yếu, tóc bạc hoa râm,
lạy Chúa, xin đừng rời tôi cho đến khi tôi thuật lại cho con cháu tôi biết quyền năng Chúa;
cho đến khi tôi kể lại cho dòng dõi đến sau tôi về sức mạnh Ngài.
¹⁹Lạy Chúa, sự công minh Chúa vượt cao hơn các từng trời.
Chúa đã làm nhiều việc lớn lao;
Thượng Đế ôi, không ai giống như Ngài.
²⁰Chúa đã cho tôi gặp nhiều cảnh khốn khó gian nan,
nhưng Ngài sẽ hồi sức lại cho tôi.
Dù khi tôi gần qua đời,
Chúa sẽ khiến tôi sống.
²¹Chúa sẽ khiến tôi được sang trọng hơn bao giờ hết,
Ngài sẽ an ủi tôi trở lại.
²²Tôi sẽ ca ngợi Chúa bằng đờn cầm,
Về sự thành tín của Ngài là Thượng Đế tôi.
Lạy Đấng thánh của Ít-ra-en,
tôi sẽ hát cho Ngài bằng đờn sắt.
²³Tôi sẽ lớn tiếng vui mừng ca ngợi Ngài vì Ngài đã cứu tôi.
²⁴Suốt ngày tôi sẽ thuật lại sự công minh của Chúa.
Còn những kẻ muốn hại tôi
sẽ xấu hổ và bị sỉ nhục.