71

Klei Sa Čô Mnuih Mduôn Wah Lač

¹Ơ Yêhôwa, kâo đuĕ dăp hlăm ih;
đăm brei arăng tuôm bi hêñ kâo ôh.
²Hlăm klei kpă ênô ih, bi mtlaih kâo leh anăn bi êngiê kâo;
mđing knga kơ kâo, leh anăn bi mtlaih kâo.
³Brei ih jing boh tâo kơ kâo dưi đuĕ dăp nanao,
ih mtă leh čiăng bi mtlaih kâo,
kyuadah ih jing boh tâo kâo leh anăn kđông mgang kâo.
⁴Ơ Aê Diê kâo, bi mtlaih kâo mơ̆ng kngan phung ƀai,
mơ̆ng kngan mnuih wê leh anăn jhŏng ƀai.
⁵Kyuadah ih jing pô kâo čang hmăng, Ơ Khua Yang,
ih jing pô kâo knang mơ̆ng kâo hđeh, Ơ Yêhôwa.
⁶Ih krơ̆ng kâo dơ̆ng mơ̆ng hruê amĭ kkiêng kơ kâo;
ih yơh brei kâo kbiă mơ̆ng tian amĭ kâo.
Kâo srăng bi mni kơ ih nanao.

⁷Kâo jing mnơ̆ng bi kngăr kơ lu mnuih;
ƀiădah ih jing anôk kjăp kâo đuĕ dăp.
⁸Ƀăng êgei kâo bŏ hŏng klei bi mni kơ ih,
leh anăn hưn klei guh kơang ih jih hruê.
⁹Đăm hngah kơ kâo ôh tơdah kâo mduôn;
tơdah klei ktang kâo đuĕ, đăm lui hĕ kâo ôh.
¹⁰Kyuadah phung roh kâo blŭ djŏ kơ kâo,
phung kăp bi mdjiê kâo trông čhai hdơ̆ng diñu,
¹¹leh anăn lač, “Aê Diê lui ñu leh;
tiŏ ñu, mă ñu,
kyuadah amâo mâo pô dưi bi mtlaih ñu ôh.”

¹²Ơ Aê Diê, đăm dôk kbưi mơ̆ng kâo ôh;
Ơ Aê Diê kâo, ruăt đru kâo!
¹³Brei phung kčŭt kơ kâo mâo klei hêñ leh anăn rai tuč;
brei phung duah čiăng ngă kơ kâo
mâo klei hêñ leh anăn arăng amâo lŏ mpŭ kơ diñu ôh.
¹⁴Bi kâo, kâo srăng čang hmăng nanao,
leh anăn bi mni kơ ih lu hĭn êjai.
¹⁵Ƀăng êgei kâo srăng hưn bruă kpă ênô ih,
leh anăn yăl dliê jih hruê bruă klei ih bi mtlaih,
kyuadah kâo amâo dưi tĭng yap bruă anăn ôh.
¹⁶Kâo srăng hriê yăl dliê kơ bruă myang Khua Yang Yêhôwa;
kâo srăng hưn klei kpă ênô ih, knŏng hjăn klei kpă ênô ih yơh.

¹⁷Ơ Aê Diê, ih bi hriăm kâo leh mơ̆ng kâo hđeh,
leh anăn ăt kâo hưn bruă yuôm bhăn ih.
¹⁸Tơdah kâo mduôn leh anăn ƀŭk kô̆ leh,
đăm lui kâo ôh, Ơ Aê Diê,
tơl kâo hưn leh klei ktang ih kơ jih jang ênuk anei,
klei myang ih kơ phung ênuk êdei.
¹⁹Klei kpă ênô ih, Ơ Aê Diê, truh ti adiê dlông.
Ih ngă leh lu bruă prŏng,
Ơ Aê Diê, hlei jing msĕ si ih?
²⁰Ih pô brei kâo tŭ leh lu klei knap mñai prŏng,
srăng lŏ bi hdĭp kâo;
mơ̆ng ƀăng êlam lăn ala, ih srăng lŏ bi hdĭp kâo.
²¹Ih srăng mjing kâo prŏng hĭn,
leh anăn lŏ bi juh kâo.
²²Kâo srăng bi mni kơ ih hŏng asăp đĭng,
kyua klei sĭt suôr ih, Ơ Aê Diê kâo.
Kâo srăng mmuñ bi mni kơ ih hŏng đĭng buôt,
Ơ Pô Doh Jăk phung Israel.
²³Ƀăng kƀông kâo srăng ur hơ̆k
tơdah kâo mmuñ bi mni kơ ih;
wăt mngăt kâo ih bi tui leh srăng bi mni kơ ih msĕ mơh.
²⁴Êlah kâo srăng hưn klei kpă ênô ih jih hruê;
kyuadah arăng bi hêñ leh phung duah ngă kơ kâo.

71

老年人的祈禱

¹耶和華啊，我投靠你，
求你叫我永不羞愧！
²求你憑你的公義搭救我，救拔我；
側耳聽我，拯救我！
³求你作我常來棲身⚓的磐石，
你已經吩咐要救我，
因為你是我的巖石、我的山寨。

⁴我的上帝啊，求你救我脫離惡人的手，
脫離不義和殘暴之人的手。
⁵主耶和華啊，你是我所盼望的；
自我年幼，你是我所倚靠的。
⁶我自出母胎被你扶持，
使我出母腹的是你。
我要常常讚美你！

⁷許多人看我為異類，
但你是我堅固的避難所。
⁸我要滿口述說讚美你的話
終日榮耀你。
⁹我年老的時候，求你不要丟棄我！
我體力衰弱時，求你不要離棄我！
¹⁰我的仇敵議論我，
那些窺探要害我命的一同商議，
¹¹說：「上帝已經離棄他；
你們去追趕他，捉拿他吧！
因為沒有人搭救。」

¹²上帝啊，求你不要遠離我！
我的上帝啊，求你速速幫助我！
¹³願那與我為敵的，羞愧滅亡；
願那謀害我的，受辱蒙羞。
¹⁴我卻要常常仰望，
並要越發讚美你。
¹⁵我的口要終日述說你的公義和你的救恩，
因我無從計算其數。
¹⁶我要述說主耶和華的大能，
我單要提說你的公義。

¹⁷上帝啊，自我年幼，你就教導我；
直到如今，我傳揚你奇妙的作為。
¹⁸上帝啊，我年老髮白的時候，
求你不要離棄我！
等我宣揚你的能力給下一代，
宣揚你的大能給後世的人。

¹⁹上帝啊，你的公義極高；
行過大事的上帝啊，誰能像你？
²⁰你是叫我多經歷重大急難的，
必使我再活過來，
從地的深處救我上來。
²¹你必使我越發昌大，
又轉來安慰我。

²²我的上帝啊，我要鼓瑟稱謝你，
稱謝你的信實！
以色列的聖者啊，我要彈琴歌頌你！
²³我歌頌你的時候，我的嘴唇要歡呼；
我的性命，就是你所救贖的，也要歡呼。
²⁴我的舌頭也必終日講論你的公義，
因為那些謀害我的人已經蒙羞受辱了。