140

Klei Wah Lač Akâo Klei Mgang

Kơ khua phung mmuñ. Klei mmuñ hđăp Y-Đawit.

¹Ơ Yêhôwa, bi mtlaih kâo mơ̆ng phung ƀai;
mgang kâo mơ̆ng mnuih jhŏng ƀai.
²Hlăm ai tiê diñu trông čhai klei čiăng ngă jhat,
diñu mtrŭt kơ klei bi blah nanao.
³ Êlah diñu ƀơ̆ng msĕ si êlah ala;
diñu mâo êa kêč kam ala kpơ̆ng ti gŭ kƀuê diñu. (Sêla)

⁴Ơ Yêhôwa, răng kriê kâo mơ̆ng kngan phung ƀai;
mgang kâo mơ̆ng mnuih jhŏng ƀai,
mơ̆ng phung mĭn čiăng bi êbuh kâo.
⁵Phung mgao ƀêč kđông
leh anăn dăng ñuăl čiăng bi djŏ kơ kâo;
diñu dưm knuê̆ giăm êlan. (Sêla)

⁶Kâo lač kơ Yêhôwa, “Ih jing Aê Diê kâo:
Ơ Yêhôwa, mđing knga kơ asăp kâo kwưh kơ ih.”
⁷Ơ Yêhôwa, Khua Yang kâo, pô ktang bi mtlaih kâo,
pô guôm mgang boh kŏ kâo ti hruê bi blah.
⁸Ơ Yêhôwa, đăm brei truh ôh klei phung ƀai čiăng;
đăm brei klei diñu čuăn ngă dưi,
huĭdah diñu jing mgao. (Sêla)

⁹Bi kơ phung wang jŭm kâo ngă hŏng klei mgao,
brei klei jhat diñu blŭ lŏ lĕ kơ boh kŏ diñu pô.
¹⁰Brei hdăng ngur lĕ ti dlông diñu;
brei arăng dlăm diñu hlăm ƀăng êlam amâo dưi lŏ kbiă ôh.
¹¹Đăm brei pô mčeh luar dôk kjăp hlăm čar ôh;
leh anăn brei klei jhat tiŏ amâo mdei mnuih jhŏng ƀai čiăng bi luč ñu.

¹²Kâo thâo kơ Yêhôwa srăng mgang phung knap,
leh anăn ngă klei djŏ kơ phung ƀun ƀin.
¹³Sĭt nik phung kpă ênô srăng bi mni kơ anăn ih;
phung kpă ênuah srăng dôk ti anăp ih.

140

For the director of music. A psalm of David.

¹Rescue me, Lord, from evildoers;
protect me from the violent,
²who devise evil plans in their hearts
and stir up war every day.
³They make their tongues as sharp as a serpent’s;
the poison of vipers is on their lips.⚓

⁴Keep me safe, Lord, from the hands of the wicked;
protect me from the violent,
who devise ways to trip my feet.
⁵The arrogant have hidden a snare for me;
they have spread out the cords of their net
and have set traps for me along my path.

⁶I say to the Lord, “You are my God.”
Hear, Lord, my cry for mercy.
⁷Sovereign Lord, my strong deliverer,
you shield my head in the day of battle.
⁸Do not grant the wicked their desires, Lord;
do not let their plans succeed.

⁹Those who surround me proudly rear their heads;
may the mischief of their lips engulf them.
¹⁰May burning coals fall on them;
may they be thrown into the fire,
into miry pits, never to rise.
¹¹May slanderers not be established in the land;
may disaster hunt down the violent.

¹²I know that the Lord secures justice for the poor
and upholds the cause of the needy.
¹³Surely the righteous will praise your name,
and the upright will live in your presence.