103

Nau Tâm Rnê Yor Nau Yô̆ Yêhôva

Nau mprơ ơm Y-David
¹Ơ huêng gâp tâm rnê hom ma Kôranh Brah;
Lĕ săk jăn nuih n'hâm gâp tâm rnê yơk mbah ma amoh Păng.
²Ơ huêng gâp tâm rnê hom ma Kôranh Brah;
Lơi dĭng chuêl ôh du ntil nau ueh Păng ăn.
³Păng yơh yô̆ an lĕ nau tih gâp.
Păng ƀư bah lĕ nau ji kuet gâp.
⁴Păng yơh tâm rklaih gâp tă bơh trôm môch,
Păng yô̆, Păng rŏng ma gâp hâu ngăn.
⁵Păng n'hơm ko gâp ma ndơ kah,
Gay ăn gâp văch n'hâm suan dăng katang nâm bu klang.
⁶Yêhôva ƀư nau sŏng, Păng ƀư nau di ma lĕ rngôch phung bu tŭn jot.
⁷Păng tâm mpơl jêh trong Păng ma Y-Môise.
Kan Păng ma phung kon Israel.
⁸Kôranh Brah yô̆ jêh ri rŏng ma he, Păng mâu gơnh nuih ôh.
⁹Păng mâu ir nduyh he ƀaƀơ ôh,
Mâu lĕ Păng nđom jŏ n'ho ro, nau Păng ji nuih ma he
¹⁰Păng mâu tâm rmal he ôh, tĭng nâm nau tih he ƀư,
Mâu lĕ Păng mplơ̆ tĭng nâm nau tih, nau kue he.
¹¹Nau Păng rŏng ma mbu nâm yơk ma Păng jêng toyh ngăn,
Prêh nâm bu trôk đah neh.
¹²Păng sŏk nkhah lơi nau tih đah he, ngai nâm bu dâng đah lơ.
¹³Păng yô̆ ma mbu nâm yơk ma Păng, nâm bu mbơ̆ yô̆ ma kon.
¹⁴Yorlah Păng gĭt mbă ndơ bu njêng he,
Păng kah gĭt he jêng ndruyh neh.
¹⁵Nau rêh kon bunuyh gơnh dŭt tâm ban ma gơ̆,
Păng hon rêh ƀât lât dơm, tâm ban ma kao si tâm bri.
¹⁶lah sial khôm du tong, păng mpăr roh hêng, bu mâu hôm saơ păng ôh,
¹⁷Ƀiălah Kôranh Brah hôm rŏng ƀaƀơ mbu nâm yơk ma Păng,
Păng ăn nau ueh ƀa ƀơ tât sau tât se.
¹⁸Păng rŏng ma mbu nâm ƀư di tĭng nâm nau Păng tâm nkol,
Jêh ri ma phung kah gĭt tông nanê̆ lĕ nau Păng đă.
¹⁹Yêhôva rdâk jêh sưng hađăch Păng tâm trôk;
Jêh ri ƀon bri hđăch Păng chiă uănh lĕ rngôch ndơ.
²⁰Mât ton hom ma Yêhôva, khân may phung oh mon ueh Păng,
Phung jêng brah tâm nau katang, gay ma nanê̆ nau nau Păng ngơi.
Phung gŭ iăt bâr Păng ngơi.
²¹Mât ton hom ma Yêhôva, lĕ rngôch khân may phung kahan Păng,
Phung khân may pah kan ma Păng, jêh ri ƀư nau Păng ŭch.
²²Mât ton hom ma Yêhôva, lĕ rngôch khân may jêng kan Păng,
Tâm lĕ rngôch ntŭk Păng chiă uănh;
Ơ huêng gâp, mât ton hom ma Yêhôva.

103

Of David.

¹Praise the Lord, my soul;
all my inmost being, praise his holy name.
²Praise the Lord, my soul,
and forget not all his benefits—
³who forgives all your sins
and heals all your diseases,
⁴who redeems your life from the pit
and crowns you with love and compassion,
⁵who satisfies your desires with good things
so that your youth is renewed like the eagle’s.

⁶The Lord works righteousness
and justice for all the oppressed.

⁷He made known his ways to Moses,
his deeds to the people of Israel:
⁸The Lord is compassionate and gracious,
slow to anger, abounding in love.
⁹He will not always accuse,
nor will he harbor his anger forever;
¹⁰he does not treat us as our sins deserve
or repay us according to our iniquities.
¹¹For as high as the heavens are above the earth,
so great is his love for those who fear him;
¹²as far as the east is from the west,
so far has he removed our transgressions from us.

¹³As a father has compassion on his children,
so the Lord has compassion on those who fear him;
¹⁴for he knows how we are formed,
he remembers that we are dust.
¹⁵The life of mortals is like grass,
they flourish like a flower of the field;
¹⁶the wind blows over it and it is gone,
and its place remembers it no more.
¹⁷But from everlasting to everlasting
the Lord’s love is with those who fear him,
and his righteousness with their children’s children—
¹⁸with those who keep his covenant
and remember to obey his precepts.

¹⁹The Lord has established his throne in heaven,
and his kingdom rules over all.

²⁰Praise the Lord, you his angels,
you mighty ones who do his bidding,
who obey his word.
²¹Praise the Lord, all his heavenly hosts,
you his servants who do his will.
²²Praise the Lord, all his works
everywhere in his dominion.

Praise the Lord, my soul.