1Kuv lub siab, cia li qhuas tus TSWV! Tus TSWV uas yog kuv tus Vajtswv, koj yog tus uas muaj hwjchim loj! Koj lub koob meej thiab lub tshwjchim ci ntsa iab puagncig koj; 2koj muab qhov kaj qhwv koj. Koj muab lub ntuj nthuav ib yam li nthuav lub tsevntaub, 3koj tsim koj lub tsev rau saum cov nplaim dej uas nyob saum qaum ntuj. Koj siv cov huab ua koj lub tsheb, thiab koj caij rawv saum tej cua. 4Koj siv tej cua ua koj cov tub xa xov, thiab xoblaim uas cig liab vog ua koj cov tubtxib.
5Koj muab lub ntiajteb txawb khov rau ntawm tej ncej uas txheem, lub ntiajteb yuav nyob qhov ntawd tsis txav chaw li. 6Koj kom dej hiavtxwv vov nkaus lub ntiajteb ib yam li tej tsoos tsho qhwv nkaus neeg lub cev, thiab dej nyab puv nkaus saum tej hauv roob. 7Thaum koj nthe nqho, dej txawm ntws; thaum dej hnov koj lub suab hais, dej cia li ntws laub lug lawm. 8Tej dej ntawd ntws saum tej roob thiab tej hav txhua nrho los rau ntawm qhov chaw uas koj tsim cia rau tej dej ntawd. 9Koj kem ciam tseg kom dej tsis muaj peevxwm ntws dhau tus ciam ntawd, kom tej dej ntawd thiaj tsis ntws los nyab lub ntiajteb no dua.
10Koj tsim tej dej cag ntws raws tej kwjha thiab tej dej uas ntws raws tej kwjdeg. 11Tej dej ntawd txhawv los rau tej tsiaj qus haus, thiab tej neesluav qus haus thaum tshaib nqis. 12Tej nas noog los ua zes rau saum tej ntoo uas nyob ze rau ntawm ntug dej thiab quaj seev yees.
13Koj tso nag saum ntuj los ywg tej roob, koj foom koob hmoov rau txhua qhov thoob plaws lub ntiajteb. 14Koj tsim kom muaj tej nroj tsuag hlav mos nyoos rau tej tsiaj txhu noj, thiaj muaj qoobloo rau neeg cog kom neeg thiaj muaj noj muaj haus, 15thiab muaj cawv txiv hmab los haus ua rau neeg zoo siab, kom muaj tej roj txiv ntoo ua rau neeg luag ntxhi, thiab muaj mov ua rau neeg muaj zog tuaj.
16Tej ntoo ciab pem Lenpanoos, puavleej tau dej nag txaus, tej ntoo ntawd yeej yog tus TSWV li, nws yog tus cog cia. 17Tej noog los ua zes rau saum tej ntoo ntawd, thiab os dej los ua zes rau ntawm tej ntoo thuv. 18Tej sai nyob saum tej roob siab, thiab tej ntxim tsua nyob hauv tej qhov tsua.
19Koj tsim muaj lub hli los quas hli thiab quas xyoo; lub hnub nws paub nws lub caij uas poob qho. 20Koj tsim kom muaj hmo ntuj, thiab thaum tsaus ntuj tej tsiaj nruab nrag tawm tuaj nrhiav noj. 21Tej thav tsov ntxhuav nyooj laws tawm mus nrhiav tej tsiaj uas Vajtswv pub rau lawv noj. 22Thaum hnub tawm tuaj tej tsiaj ntawd txawm rov mus nkaum rau hauv tej qhov uas lawv txeev pw. 23Ces tej neeg mam li tawm mus ua lawv tej haujlwm, thiab ua haujlwm tsis so mus txog thaum tsaus ntuj.
24Tus TSWV, koj tsim ib puas tsav yam! Thaum peb saib tej uas koj tsim los ntawd ua rau peb pom hais tias koj yog tus muaj tswvyim! Lub ntiajteb puv nkaus txhua tsav yam uas koj tau tsim tseg. 25Muaj hiavtxwv loj thiab dav heev, muaj tsiaj loj thiab tsiaj me suav tsis txheeb nyob hauv. 26Muaj tej nkoj uas neeg tsav mus los hauv hiavtxwv, thiab muaj tus Zaj uas yog tus tsiaj nyaum uas koj tsim tseg nyob ua si khuav hauv hiavtxwv.
27Tej tsiaj ntawd tos ntsoov koj pub rau lawv noj lawv haus thaum tshaib nqhis. 28Thaum koj pub rau lawv noj, lawv thiaj tau noj, koj pub rau lawv muaj noj muaj haus, lawv thiaj tau noj tau haus tsau. 29Thaum koj fee plhu tsis quav ntsej, lawv ntshai kawg li; thaum koj rho koj txoj pa mus lawm, ces lawv txawm tuag thiab rov mus ua av li qub. 30Tiamsis thaum koj rau siav rau pa rau lawv, lawv ciaj sia tuaj, koj pub txojsia tshiab rau lub ntiajteb.
31Thov kom tus TSWV lub tshwjchim uas ci ntsa iab nyob mus ibtxhis! Thov kom tus TSWV tsuas muaj zoo siab rau tej uas nws tsim lawm. 32Tus TSWV tsa muag ntsia lub ntiajteb, lub ntiajteb ua zog koog; tus TSWV kov tej hauv roob, tej hauv roob txawm ncho pa auv niab tawm tuaj.
33Kuv yuav hu nkauj qhuas tus TSWV tas kuv simneej; kuv yuav hu nkauj ua kuv tus Vajtswv tsaug mus txog hnub kuv tuag. 34Thov kom kuv tej nkauj haum nws siab, rau qhov nws yog tus uas ua rau kuv zoo siab luag ntxhi. 35Thov kom cov neeg ua txhaum raug puastsuaj tu noob nrho hauv ntiajteb no mus; thov tsis txhob tseg ib tug neeg siab phem nyob hlo li.
Kuv lub siab, cia li qhuas tus TSWV! Cia li qhuas tus TSWV!
104
Qhuas tug kws tswm ib puas tsaav yaam
1Kuv tug ntsuj plig 'e, ca le qhuas Yawmsaub. Au kuv tug Vaajtswv Yawmsaub, koj luj kawg nkaus. Koj muab koob meej hab fwjchim meej mom lug naav. 2Koj muab qhov kaaj lug npua ib yaam le naav tsho, koj nthuav lub ntuj ib yaam le nthuav lub tsev ntaub. 3Koj khaum laag ua koj lub chaw nyob rua txheej sau cov dej naag, koj muab fuab ua tsheb rua koj caij, koj caij tej cua le kauj tis. 4Koj khaiv tej cua ua koj le tub xaa xuv, koj swv tej nplaim tawg ci laim lag ua koj cov qhev.
5Koj txawb lub nplajteb rua sau tej taw tag, txhad tsw ua zug ib txhws le. 6Koj muab dej tub tub lug laum nkaus nwg yaam le naav tsoog, tej dej nyob sau tej roob. 7Thaus koj nthe nqho, dej ca le ndwg ceev, thaus nov koj lub suab xub nthe, dej ca le tswv. 8Tej dej ndwg sau tej roob nqeg lug rua tej haav, moog rua lub chaw kws koj tu ca rua dej teev. 9Koj tu nrwm tsw kheev dej hlaa dhau, sub txhad tsw nyaab sau lub nplajteb dua le lawm.
10Koj ua hauv dej txhawv ndwg rua huv tej haav, tej dej txhad ndwg lawv tej kwj haa, 11pub rua tej tsaj qus huvsw huv haav zoov tau haus, tej neeg luav qus kuj tau haus daws nqhes. 12Ntawm tej ntug dej tej noog sau nruab ntug tau ua zeg nyob, hab quaj zum zawg sau tej ceg ntoo. 13Koj nyob sau koj tej chaw sab ywg dej rua sau tej roob, lub nplajteb txhad tsau npo tej num kws koj ua.
14Koj ua rua nroj tsuag tuaj rua tej tsaj txhu tau noj, hab ua tej zaub tuaj rua tuabneeg tu sub puab txhad ua tau zaub noj tuaj huv lub nplajteb, 15hab ua tau cawv txwv maab kws ua rua tuabneeg zoo sab, hab ua tau roj aulib kws ua rua puab ntsej muag ci, hab ua tej ncuav kws txhawb tuabneeg lub sab muaj zug. 16Yawmsaub tej ntoo tau dej tsau npo, yog cov ntoo cab huv Lenpanoo kws nwg cog ca. 17Tej noog ua zeg rua sau tej ntoo hov, tej us dej ua chaw nyob rua sau tej ntoo thuv. 18Tej roob sab yog sai le chaw nyob, tej roob tsua yog tej ntxwm tsua le chaw nkaum. 19Koj tswm lub hli lug suav caij suav nyoog. Lub nub kuj paub lub swjhawm kws yuav poob qho. 20Koj ua rua muaj qhov tsaus hab yog mo ntuj, mas tej tsaj qus huvsw huv haav zoov nkaag tawm tuaj. 21Tej thaav tsuv ntxhuav nyooj lawg nrhav nqaj tum, hab nrhav noj ntawm Vaajtswv. 22Thaus nub tawm puab kuj moog lawm, moog pw rua huv puab tej chaw nkaum. 23Tuabneeg kuj tawm moog ua daag num, moog ua num khwv txug tsaus ntuj.
24Au Yawmsaub, tej kws koj ua lug lawd ntau kawg nkaus le. Koj muaj tswvyim tswm tej hov huvsw. Lub nplajteb puv nkaus tej kws koj tswm. 25Tim u muaj havtxwv luj hab daav, muaj tsaj nruab deg yaa laim quas txag suav tsw txheeb nyob huv, muaj tej tsaj luj tsaj miv huvsw. 26Tej nkoj txwg moog lug sau nplaim dej, hab muaj nam tsaj Levi‑athaa⚓ kws koj tswm ca kuas ua sw hov ntawd.
27Tej tsaj hov huvsw tsaa muag saib koj, vaam koj pub puab tau noj lawv swjhawm. 28Thaus koj pub lawd puab kuj khaws ca, thaus koj cev teg, puab kuj tau noj tej kws zoo tsau npo. 29Thaus koj fee plhu lawd, puab kuj poob sab nthaav, thaus koj muab puab tej paa rhu lawm, puab kuj tuag hab rov moog ua moov aav. 30Thaus koj tso koj tug ntsuj plig⚓ moog, puab kuj raug muab tswm, hab koj tswm txhua yaam sau lub nplajteb dua tshab.
31Thov Yawmsaub tug fwjchim ci ntsaa ab nyob moog ib txhws, thov Yawmsaub zoo sab xyiv faab rua tej kws nwg tswm lug. 32Thaus nwg tsaa muag saib lub nplajteb, lub nplajteb kuj tseeg quas nkawg, nwg kov tej roob, tej roob kuj nchu paa tuaj. 33Kuv muaj txujsa nyob ntev le caag, kuv yuav hu nkauj rua Yawmsaub moog le, kuv yuav hu nkauj qhuas kuv tug Vaajtswv rua thaus kuv tseed caj sa nyob. 34Thov ca tej kws kuv xaav nuav hum nwg lub sab, tsua qhov kuv xyiv faab rua huv Yawmsaub. 35Thov ca cov tuabneeg muaj txem raug muab ntxuav tseg huv lub nplajteb, thov ca tej tuabneeg limham pluj taag moog. Kuv tug ntsuj plig 'e, ca le qhuas Yawmsaub, ca le qhuas Yawmsaub lauj!