121

Tus TSWV Tsomkwm Peb

¹Kuv tsa qhov muag ntsia rau
saum tej roob,
saib kev cawm dim yuav tuaj qhov twg tuaj?
²Kev pab kuv yog tuaj ntawm tus TSWV tuaj,
nws yog tus tsim lub ntuj thiab lub ntiajteb.

³Nws yuav tsis pub koj ntog;
tus tiv thaiv koj yeej tsis tsaug zog
ib zaug li.

⁴Yog tiag, tus uas tiv thaiv cov
Yixalayees
yeej tsis ncaws dabntub lossis tsis tsaug zog li.
⁵Tus TSWV yuav zov rawv koj,
nws nyob rawv ntawm koj ib sab thiab tiv thaiv koj.
⁶Nruab hnub lub hnub yuav tsis hlawv koj,
lossis hmo ntuj lub hli yuav tsis ua li cas rau koj.

⁷Tus TSWV yuav tiv thaiv tsis pub
koj raug tej kev puastsuaj;
nws yuav tsomkwm kom koj nyob kaj siab lug.
⁸Tus TSWV yuav tiv thaiv koj thaum koj tawm mus
thiab rov qab los txij hnub no mus ibtxhis li.

121

Vajtswv tsom kwm peb

Zaj nkauj hu nce mus.

¹Kuv tsa muag ntsia saum tej roob.
Txojkev pab kuv yuav tuaj qhovtwg tuaj?
²Txojkev pab kuv
tuaj ntawm Yawmsaub tuaj,
yog tus uas tsim ntuj tsim teb.

³Nws yuav tsis kheev koj txhais kotaw plam,
tus uas tsom kwm koj yuav tsis tsaug zog li.
⁴Saib maj, tus uas tsom kwm cov Yixayee
yuav tsis ncaws dab ntub
lossis tsaug zog li.
⁵Yawmsaub yog tus uas tsom kwm koj,
Yawmsaub yog tus duab ntxoov ntxoo
ntawm koj sab tes xis.
⁶Nruab hnub lub hnub
yuav tsis ua phem rau koj,
hmo ntuj lub hli yuav tsis ua li cas rau koj.

⁷Yawmsaub yuav tsom kwm koj
ntawm txhua yam kev phem,
nws yuav tsom kwm koj txojsia.
⁸Yawmsaub yuav tsom kwm koj
tawm mus thiab koj rov los
txij nimno mus ib txhis tsis kawg.