139

Vajtswv Kev Txawj Ntse thiab Tsomkwm

¹Tus TSWV, koj tshawb saib kuv lub siab
thiab lub neej, koj yeej paub zoo.
²Koj paub ib puas tsav yam uas kuv ua,
txawm yog nyob deb los koj yeej paub tej uas kuv
lub siab xav huv tibsi.
³Koj yeej pom ntsoov kuv tsis hais thaum kuv ua haujlwm
lossis kuv so, koj paub tej uas kuv ua huv tibsi.
⁴Txawm yog thaum kuv tseem tsis tau hais lus
los koj twb xub paub ua ntej lawm
hais tias kuv yuav hais dabtsi.
⁵Koj nyob puagncig kuv, koj lub tshwjchim tiv thaiv kuv.
⁶Koj yeej paub hais tias kuv yog neeg zoo li cas.

⁷Kuv yuav khiav mus nkaum qhov
twg thiaj khiav dim koj?
Kuv yuav khiav mus nkaum qhov
twg, koj thiaj tsis pom kuv?
⁸Txawm yog kuv nce mus txog saum
ntuj ceebtsheej los koj yeej nyob saud,
yog kuv nqis mus rau hauv tubtuag
teb los koj yeej nyob hauv thiab.
⁹Yog kuv ya mus dhau rau sab
hnubtuaj lossis sab hnubpoob
¹⁰los koj yuav nyob qhov ntawd coj kuv kev,
koj yuav nyob qhov ntawd pab kuv.
¹¹Txawm yog kuv hu kom qhov tsaus ntuj los roos kuv
lossis kom qhov kaj uas nyob
puagncig kuv hloov ua qhov tsaus ntuj,
¹²los qhov tsaus ntuj twb tsis tsaus rau koj li;
hmo ntuj los koj yeej pom kev kaj
nrig ib yam li nruab hnub,
koj saib qhov tsaus kaj nrig ib yam li qhov kaj.

¹³Koj yog tus tsim kuv lub cev txhua
yam huv tibsi,
thiab koj yog tus uas puab kuv rau
hauv kuv niam plab.
¹⁴Kuv qhuas koj rau qhov koj thiaj yog
tus uas tsimnyog sawvdaws hwm,
tej uas koj ua mas kuv xav tsis thoob
thiab tsis txawj piav li,
tiamsis kuv paub hais tias tej ntawd
yeej yog koj ua.
¹⁵Thaum kuv tej pobtxha tabtom hlob
tuaj sib dhos ua ke hauv kuv niam plab,
thiab kuv hlob nraim nkoos hauv nruab thiab
los koj yeej paub hais tias kuv nyob hauv.
¹⁶Thaum kuv tseem tsis tau yug los,
koj twb pom kuv lawm,
kuv tej hnubnyoog ua neej nyob,
koj twb xub muab sau rau hauv koj phau ntawv
ua ntej uas tsis tau muaj tej
hnubnyoog ntawd lawm.
¹⁷Vajtswv, kuv totaub nyuaj tej uas
koj xav kawg li.
Koj xav txhij xav txhua ua rau kuv
suav tsis txheeb li!
¹⁸Yog kuv suav txheeb tej uas koj xav,
ntshai muaj ntau dua tej suabzeb,
thaum kuv tsim dheev los kuv tseem nrog koj nyob.

¹⁹Vajtswv, kuv xav kom koj muab cov
neeg ua phem ua qias tua povtseg,
kuv xav kom cov neeg limhiam txav deb ntawm kuv mus.
²⁰Lawv hais tej lus phem thuam koj,
lawv hais saib tsis taus koj lub npe.
²¹Tus TSWV, kuv ntxub cov neeg uas ntxub koj kawg li,
thiab kuv dhuav cov neeg ntxeev siab uas tawmtsam koj.
²²Kuv ntxub lawv kawg nkaus li,
kuv suav hais tias lawv yog kuv cov
yeebncuab.

²³Vajtswv, thov koj tshuaj kuv kom paub kuv lub siab,
thov koj sim kuv thiab nthuav tej
uas kuv lub siab xav saib zoo li cas.
²⁴Thov koj saib kuv lub siab saib puas
muaj qhov txhaum li cas,
thiab thov koj coj kuv taug txojkev
uas nyob mus ibtxhis.

139

Yawmsaub paub txhua yaam

Sau rua tug thawj coj hu nkauj. Yog zaaj nkauj kws Tavi sau.

¹Au Yawmsaub, koj tub tshuaj saib kuv,
hab paub kuv zoo.
²Thaus kuv nyob tsawg hab sawv ntsug,
los koj kuj paub.
txawm yog koj nyob deb
koj yeej paub tej kws kuv xaav.
³Koj saib ntsoov thaus kuv taug kev
hab thaus kuv su,
koj yeej paub kuv txhua txujkev huvsw.
⁴Au Yawmsaub, ua ntej kws
kuv tug nplaig tsw tau has,
koj tub paub taag huvsw lawm.
⁵Koj thaiv tom kuv hauv ntej
hab tom kuv qub qaab,
hab muab koj txhais teg roog kuv.
⁶Tej kev paub le nuav kuv phemfwj kawg,
nyob sab kawg kuv ncaav tsw txug.

⁷Kuv yuav tswv nraim koj tug Ntsuj Plig
rua hovtwg?
Kuv yuav tswv rua hovtwg
txhad dhau koj lub xubndag?
⁸Yog kuv nce moog rua sau ntuj,
koj kuj nyob hov ntawd,
yog kuv moog pw rua huv tub tuag teb,
koj kuj nyob hov ntawd.
⁹Txawm yog kuv muaj tis yaa
yaam le tug duab kaaj ntug
hab moog nyob tim ntug havtxwv
kws deb kawg nkaus,
¹⁰los qhov chaw ntawd
koj txhais teg tseed coj kuv,
hab koj txhais teg xws
tseed tuav rawv kuv ca.
¹¹Yog kuv has tas,
“Thov ca qhov tsaus roog kuv,
hab ca qhov kaaj kws nyob ib ncig kuv
ntxeev ua mo ntuj,”
¹²mas txawm yog tsaus ntuj
los tsw tsaus rua koj,
mo ntuj kuj ci ib yaam le nruab nub,
qhov tsaus kuj zoo ib yaam le
qhov kaaj rua koj.

¹³Tsua qhov koj tswm txhua yaam
huv kuv lub nrog cev,
hab koj muab kuv txuas
rua huv kuv nam lub plaab.
¹⁴Kuv qhuas koj vem koj tswm kuv
phemfwj kawg hab xaav tsw thoob.
Koj teg num mas phemfwj.
Koj paub kuv zoo heev.
¹⁵Thaus kuv raug tswm nyob
huv qhov nraim nreeg,
hab muab kuv tej pob txhaa sws txuas ua ke
huv lub nplajteb qhov kws tub heev,⚓
kuv lub cev ntaaj ntsug
muab zais tsw tau ib qho ntawm koj hlo le.
¹⁶Koj lub qhov muag pum kuv
rua thaus tsw tau xeeb rua huv nruab thab.
Txhua nub kws teem ca rua kuv
kuj sau ca rua huv koj phoo ntawv,
ua ntej kws tsw tau muaj txhua nub hov lug.
¹⁷Au Vaajtswv, tej kws koj xaav ca
tswm txaj kawg nkaus rua kuv,
muab sau zog ua ke kuj ntau kawg le lauj!
¹⁸Yog kuv yuav suav,
mas muaj ntau dua tej xuab zeb.
Thaus kuv tswm dheev lug,
kuv tseed nrug nraim koj.

¹⁹Au Vaajtswv, kuv xaav kuas koj
tua cov tuabneeg limham tseg,
hab xaav kuas cov tuabneeg noj nyoog
ncaim ntawm kuv moog,
²⁰yog cov kws npaaj ua phem
has tawm tsaam koj,
yog cov kws tsaab ua luj tawm tsaam koj
es yuav ua phem.
²¹Au Yawmsaub, kuv tsw ntxub
cov kws ntxub koj lov?
Kuv tsw dhuav
cov kws sawv tawm tsaam koj lov?
²²Kuv ntxub puab heev kawg nkaus,
hab suav tas puab yog kuv le yeeb ncuab.
²³Au Vaajtswv, thov koj tshuaj saib kuv
hab paub kuv lub sab.
Thov swm kuv hab paub tej kws kuv xaav.
²⁴Hab saib muaj yaam kev phem twg
nyob huv kuv los tsw muaj,
hab coj kuv taug txujkev
kws nyob moog ib txhws.