144

Singx Nzung 144

Daux Gaux Tov Tengx Hingh Jiex Yaac Duqv Bungx-Zuoqc

Ndaawitv zoc nyei singx nzung.

¹Ceng Ziouv, yie nyei ⟨La'bieiv.⟩
Ninh tengx yie⚓ hoqc linc mborqv jaax,
njaaux yie⚓ haih mborqv domh jaax.
²Ninh se ziepc zuoqv nyei hnamv yie wuov dauh Ziouv,⚓
zoux beu yie nyei dorngx, dongh yie kaux wuonv nyei dorngx,
caux njoux yie wuov dauh.
Ninh zoux yie nyei torngv-baaih, zoux yie ndaauh kaux nyei dorngx.
Ninh bun ganh fingx zuqc yiem yie nyei buoz-ndiev.
³O Ziouv aac, baamh mienh benx haaix nyungc meih cingx jangx taux ninh?
Seix zaangc mienh⚓ benx haaix nyungc meih cingx hnamv taux ninh?⚓
⁴Mienh se hnangv tauv nzunc qiex.
Ninh nyei hnoi-nyieqc jiex hnangv dongh linh siepv-siepv nyei jiex mingh nor.
⁵O Ziouv aac, koi nqoi lungh njiec daaih,
hluo mbong bun mbong cuotv sioux.
⁶Tov borngz mba'lingc cuotv bun win-wangv nzaanx nzengc.
Buonv meih nyei forng-cang bun ninh mbuo faatv nzaanx nyei biaux.
⁷Tov meih yiem hlang nyei dorngx sung buoz cuotv daaih,
njoux yie, baeng yie cuotv wuom ndo nyei dorngx,
aengx njoux yie biaux ndutv ganh fingx nyei buoz-ndiev.
⁸Ninh mbuo nyei nzuih kungx gorngv-baeqc hnangv,
liemh sung mbiaauc jieqv buoz laengz waac yaac jaav nyei.
⁹O Tin-Hungh aac, yie oix baaux diuh siang-nzung bun meih,
oix longc ziepc diuh finx nyei daanh baah patv bun meih.
¹⁰Meih bun hungh diex duqv hingh,
yaac njoux meih nyei bou, Ndaawitv,
biaux ndutv hoic maengc nyei nzuqc ndaauv.
¹¹Tov meih njoux yie, tengx yie
biaux ndutv ganh fingx mienh nyei buoz-ndiev.
Ninh mbuo nyei nzuih kungx gorngv-baeqc hnangv.
Liemh sung mbiaauc jieqv buoz laengz waac yaac jaav nyei.
¹²Tov bun yie mbuo nyei dorn yiem hnyangx-jeiv lunx nyei ziangh hoc
hnangv ndiangx hlo dingc nor.
Tov bun yie mbuo nyei sieqv
hnangv zuqc daaih zoux hungh dinc biauv-gorqv nyei ndiouh.
¹³Tov bun yie mbuo nyei lamz dapv buangv nyungc-nyungc laangh ziqc.
Tov bun yie mbuo nyei ba'gi yungh
yiem yie mbuo nyei ciangv njiec dorn cin-cin waanc-waanc.
¹⁴Tov bun yie mbuo nyei ngongh njiec dorn camv,
maiv waaic, maiv dingx laaih.
Yaac tov bun yie mbuo nyei jaai-horngc
maiv maaih zuqc kouv, nyiemv nyei sing-qiex.
¹⁵Duqv naaiv nyungc fuqv nyei baeqc fingx maaih orn-lorqc.
Maaih Ziouv zoux ninh mbuo nyei Tin-Hungh wuov deix baeqc fingx maaih orn-lorqc.

144

大卫的诗。

君王为胜利感恩

¹耶和华─我的磐石是应当称颂的！
他教导我的手争战，
教导我的指头打仗。
²他是我慈爱的主、我的山寨、
我的碉堡、我的救主、
我的盾牌，是我所投靠的。
他使我的百姓⚓服在我以下。

³耶和华啊，人算什么，你竟认识他！
世人算什么，你竟顾念他！
⁴人不过像一口气，
他的年日如影消逝。
⁵耶和华啊，求你使天下垂，亲自降临；
求你摸山，使山冒烟。
⁶求你发出闪电，使仇敌四散，
射出你的箭，使他们混乱。
⁷求你从高处伸手救拔我，
救我脱离大水，脱离外邦人的手。
⁸他们的口说谎话，
他们的右手起假誓。

⁹上帝啊，我要向你唱新歌，
用十弦瑟向你歌颂。
¹⁰你是那拯救君王的，
你是那救仆人大卫脱离害命之刀的。
¹¹求你救拔我，
救我脱离外邦人的手。
他们的口说谎话，
他们的右手起假誓。

¹²我们的儿子从幼年好像树苗长大，
我们的女儿如同房角石，按照建宫殿的样式凿成。
¹³我们的仓盈满，能供应各种粮食；
我们的羊在田野孳生千万。
¹⁴我们的牲口驮满货物，
没有人闯进来抢夺，
也没有人出去争战；
我们的街市上也没有哭号的声音。
¹⁵这样情况的百姓有福了！
以耶和华为他们上帝的百姓有福了！