87

Singx Nzung 87

Ceng Si^on Zingh

Kolaa nyei Zeiv-Fun zoc nyei singx nzung. Benx yietc diuh nzung.
  1Ziouv liepc nyei zingh
   yiem cing-nzengc mbong gu'nguaaic.
  2Ninh hnamv ⟨Si^on⟩ nyei zingh gaengh,
   gauh camv Yaakopv yiem nyei norm-norm dorngx.
  3O Tin-Hungh nyei zingh aac,
   mienh nuqv jienv gorngv meih njang-laangc nyei jauv. Selaa
  4Mangc maah! Yiem hiuv duqv yie nyei mienh
   yie lengc jeiv oix tih taux Laa^hapc caux Mbaa^mbi^lon.
   Fi^li^saa^die caux Tailaqv caux jienv E^ti^o^bie.
  Ninh mbuo gorngv, “Naaiv laanh mienh yiem Si^on cuotv seix.”
  5Ninh mbuo oix zorqv Si^on nyei jauv-louc daaih gorngv,
   “Naaiv laanh caux wuov laanh yiem naaic cuotv seix,”
   weic zuqc Yiem Hlang Jiex Wuov Dauh ganh oix liepc naaiv norm zingh.
  6Ziouv faaux maanc fingx nyei mienh hoz daan nyei ziangh hoc
   ninh fiev jienv, “Naaiv laanh yiem Si^on cuotv seix.” Selaa
  7Baaux nzung caux cangx heix nyei mienh oix gorngv,
   “Yie nyei yietc zungv wuom-zingv yiem meih gu'nyuoz.”