70

Singx Nzung 70

Daux Gaux Tov Tin-Hungh Tengx

(Beiv mangc Singx Nzung 40:13-17)

Jiu bun dorh nzung nyei mienh. Ndaawitv zoc nyei singx nzung. Longc weic fongc horc ziec jangx nyei buonc.
  1O Tin-Hungh aah! Tov gaanv daaih njoux yie.
   O Ziouv aah! Tov siepv-siepv nyei tengx yie.
  2Tov bun oix zorqv yie nyei maengc
   wuov deix mienh zuqc nyaiv zuqc lunc.
  Tov bun dongh a'hneiv yie zuqc kouv wuov deix
   zuqc tuix nzuonx nqa'haav yaac zuqc baaic hmien.
  3Tov bun gorngv, “Haav! Haav!” wuov deix,
   zuqc nyaiv zuqc baaic.
  4Tov bun yietc zungv daaih lorz meih wuov deix,
   njien-youh orn-lorqc,
  tov bun hnamv meih nyei njoux en wuov deix,
   zanc-zanc gorngv, “Tin-Hungh za'gengh hlo haic.”
  5Mv baac yie kouv yaac jomc haic.
   O Tin-Hungh aah! Tov siepv-siepv nyei daaih yie naaiv.
  Meih se dongh tengx yie, njoux yie wuov dauh.
   O Ziouv aah! Tov maiv dungx ngaih.