20
Singx Nzung 20
Daux Gaux Tov Mborqv Hingh Win-Wangv
Jiu bun dorh nzung nyei mienh. Ndaawitv zoc nyei singx nzung.
1Meih buangh zuqc kouv naanc nyei hnoi-nyieqc tov Ziouv dau,
tov Yaakopv nyei Tin-Hungh⚓ beu jienv meih.
2Tov ninh yiem singx dinc tengx meih,
yaac yiem ⟨Si^on Mbong⟩ beu jienv meih.
3Tov ninh jangx meih fongc horc nyei nyungc-nyungc ga'naaiv,
yaac a'hneiv meih buov ziec nyei yietc zungv. ⟨Selaa⟩
4Tov ninh bun meih duqv ziux meih nyei hnyouv oix nyei,
yaac ei jienv meih nyei yietc zungv za'eix zoux ziangx.
5Yie mbuo ziouc njien-youh nyei heuc weic meih hingh jiex,
yie mbuo yaac dengv yie mbuo nyei Tin-Hungh nyei mbuox liepc yie mbuo nyei geh.
Tov Ziouv dau meih tov nyei yietc zungv waac.
6Ih zanc yie hiuv duqv Ziouv oix tengx⚓ ninh longc youh orn daaih wuov dauh.
Ninh oix yiem ninh cing-nzengc nyei tin-dorngh dau.
Ninh longc ninh nyei ⟨mbiaauc jieqv buoz⟩ nyei domh qaqv tengx hingh jiex.
7Maaih deix kaux⚓ ninh mbuo nyei mborqv jaax cie, maaih deix kaux ninh mbuo nyei maaz,
mv baac yie mbuo kaux Ziouv, yie mbuo nyei Tin-Hungh.⚓
8Ninh mbuo ziouc ndorpc, king njiec,
mv baac yie mbuo duqv jiez sin souv wuonv.
9O Ziouv aac, tov tengx hungh diex hingh jiex.
Yie mbuo heuc nyei ziangh hoc, tov dau yie mbuo.
20
大衛的詩。交給聖詠團長。祈求勝利
1願耶和華在你患難的日子應允你，
願雅各的上帝的名保護你。
2願他從聖所救助你，
從錫安堅固你，
3記念你的一切祭物，
悅納你的燔祭，（細拉）
4將你心所願的賜給你，
成就你的一切籌算。
5我們要因你的救恩誇勝，
要奉我們上帝的名豎立旌旗。
願耶和華成就你一切所求的！
6現在我知道耶和華必救護他的受膏者，
從他神聖的天上應允他，
用右手的能力救護他。
7有人靠車，有人靠馬，
但我們要提耶和華－我們上帝的名。
8他們都屈身仆倒，
我們卻起來，堅立不移。
9耶和華啊，求你拯救；
我們呼求的時候，願王應允我們！⚓