146
Qhuas Yawmsaub kws yog tug cawmseej
1Ca le qhuas Yawmsaub.
Kuv tug ntsuj plig 'e,
ca le qhuas Yawmsaub lauj!
2Kuv yuav qhuas Yawmsaub
taag kuv swm neej,
kuv yuav hu nkauj qhuas kuv tug Vaajtswv
rua thaus kuv tseed muaj txujsa nyob.
3Tsw xob tso sab rua cov thawj,
puab yog tuabneeg xwb, tsw txawj paab.
4Thaus puab tsw ua paa lawm
puab kuj rov qaab moog rua huv aav,
tuab nub ntawd tej kws puab npaaj tseg lawd
kuj puam tsuaj taag.
5Tug kws Yakhauj tug Vaajtswv paab,
hab nwg lub chaw vaam
nyob huv nwg tug Vaajtswv Yawmsaub,
tug hov tau nyob kaaj sab lug.
6Vaajtswv yog tug kws tswm ntuj tswm teb
hab dej havtxwv
hab txhua yaam kws nyob huv,
nwg yeej ua lawv le nwg tej lug cog tseg
moog ib txhws.
7Nwg tu plaub ncaaj
rua cov kws raug quab yuam,
nwg pub zaub mov
rua cov kws tshaib plaab noj.
Yawmsaub tso cov kws raug kaw dim.
8Yawmsaub qheb cov kws dig muag
lub qhov muag.
Yawmsaub tsaa cov kws poob thaab sawv lug.
Yawmsaub hlub cov kws ncaaj nceeg.
9Yawmsaub tsom kwm lwm haiv tuabneeg
kws nrug mej nyob,
nwg fwj cov puj ntsuag
hab cov mivnyuas ntsuag kws tsw muaj txwv,
tassws nwg ua rua cov tuabneeg limham
tej kev puam tsuaj moog.
10Yawmsaub yuav ua vaajntxwv moog ib txhws,
Xi‑oo 'e, koj tug Vaajtswv yuav kaav
txhua tam moog le.
Ca le qhuas Yawmsaub.
146
Qhuas Yawmsaub uas yog tus cawmseej
1Cia li qhuas Yawmsaub.
Kuv tus ntsuj plig 'e,
cia li qhuas Yawmsaub lauj!
2Kuv yuav qhuas Yawmsaub
tag kuv sim neej,
kuv yuav hu nkauj qhuas kuv tus Vajtswv
rau thaum kuv tseem muaj txojsia nyob.
3Tsis txhob tso siab rau cov thawj,
lawv yog neeg xwb, tsis txawj pab.
4Thaum lawv tsis ua pa lawm
lawv kuj rov qab mus rau hauv av,
tib hnub ntawd tej uas lawv npaj tseg lawd
kuj puam tsuaj tag.
5Tus uas Yakhauj tus Vajtswv pab,
thiab nws lub chaw vam
nyob hauv nws tus Vajtswv Yawmsaub,
tus ntawd tau nyob kaj siab lug.
6Vajtswv yog tus uas tsim ntuj tsim teb
thiab dej hiavtxwv
thiab txhua yam uas nyob hauv,
nws yeej ua raws li nws tej lus cog tseg
mus ib txhis.
7Nws tu plaub ncaj
rau cov uas raug quab yuam,
nws pub zaub mov
rau cov uas tshaib plab noj.
Yawmsaub tso cov uas raug kaw dim.
8Yawmsaub qheb cov uas dig muag
lub qhov muag.
Yawmsaub tsa cov uas poob thab sawv los.
Yawmsaub hlub cov uas ncaj ncees.
9Yawmsaub tsom kwm lwm haiv neeg
uas nrog nej nyob,
nws hwj cov poj ntsuam
thiab cov menyuam ntsuag
uas tsis muaj txiv,
tiamsis nws ua rau cov neeg limhiam tej kev
puam tsuaj mus.
10Yawmsaub yuav ua vajntxwv mus ib txhis,
Xi‑oo 'e, koj tus Vajtswv
yuav kav txhua tiam mus li.
Cia li qhuas Yawmsaub.