108
Thov Vaajtswv paab tiv cov yeeb ncuab
(Nt.Nk. 57:7-11; Nt.Nk. 60:5-12)
Tavi zaaj nkauj. Yog zaaj nkauj hu.
1Au Vaajtswv, kuv lub sab nyob ruaj khov,
kuv lub sab ruaj khov tag.
Kuv yuav hu nkauj,
kuv lub sab yuav seev suab hu nkauj.
2Nkauj nog ncaas luj
hab nkauj nog ncaas miv 'e,
ca le tswm dheev,
kuv yuav tsaa kuas
kaaj ntug tswm dheev.
3Au Yawmsaub, kuv yuav ua koj tsaug
rua huv ib tsoom tuabneeg,
kuv yuav hu nkauj qhuas koj
rua huv ib tsoom tebchaws.
4Vem yog koj txujkev hlub kws ruaj khov
sab dhau qaum ntuj,
hab koj txujkev ncaaj kws tso sab tau
sab moog txug cov fuab.
5Au Vaajtswv thov ca koj raug txhawb nqaa
sab dhau lub ntuj,
thov koj tug fwjchim kws ci ntsaa ab
nthuav thoob plawg nplajteb.
6Thov koj txhais teg xws paab
hab thov koj teb kuv
sub cov kws koj hlub txhad le tau dim.
7Vaajtswv has ntawm lub chaw pe hawm nwg
tas, “Kuv yuav zoo sab hlo muab lub moos
Sekhee faib hab muab lub haav Xukhau faib.
8Kile‑a tebchaws yog kuv tug,
Manaxe tebchaws yog kuv le,
Efa‑i tebchaws yog kuv lub mom hlau,
Yuta tebchaws yog kuv tug cwj nreg,
9Mau‑a tebchaws yog lub phaaj dej
kws kuv ntxuav cev,
kuv laim kuv txhais khau
rua sau Entoo tebchaws,
kuv qw lub suab kws kov yeej
rua sau Filixatee tebchaws.”
10Leejtwg yuav coj kuv moog rua huv
lub moos kws muaj ntsaa loog thaiv?
Leejtwg yuav coj kuv moog rua huv Entoo?
11Au Vaajtswv, koj muab peb tso tseg lawm lov?
Au Vaajtswv, koj tsw nrug peb cov tub rog
tawm moog lov?
12Thov koj paab peb tiv cov tshawj chim,
tsua qhov tuabneeg paab
mas tsw tau qaabhau hlo le.
13Yog peb nrug Vaajtswv
mas peb yuav kov yeej,
nwg yog tug kws yuav tsuj ntag
peb cov tshawj chim.
108
Thov Vajtswv pab tiv cov yeeb ncuab
(Nt.Nk. 57:7-11, 60:5-12)
Davi zaj nkauj. Yog zaj nkauj hu.
1Au Vajtswv, kuv lub siab nyob ruaj khov,
kuv lub siab ruaj khov tiag.
Kuv yuav hu nkauj,
kuv lub siab yuav seev suab hu nkauj.
2Nkauj nog ncas loj
thiab nkauj nog ncas me 'e,
cia li tsim dheev,
kuv yuav tsa kom kaj ntug
tsim dheev los.
3Au Yawmsaub, kuv yuav ua koj tsaug
rau hauv ib tsoom neeg,
kuv yuav hu nkauj qhuas koj
rau hauv ib tsoom tebchaws.
4Vim yog koj txojkev hlub uas ruaj khov
siab dhau qaum ntuj,
thiab koj txojkev ncaj uas tso siab tau
siab mus txog cov huab.
5Au Vajtswv thov cia koj raug txhawb nqa
siab dhau lub ntuj,
thov koj lub hwjchim uas ci ntsa iab
nthuav thoob plaws ntiajteb.
6Thov koj txhais tes xis pab
thiab thov koj teb kuv
xwv cov uas koj hlub thiaj li tau dim.
7Vajtswv hais ntawm
lub chaw pe hawm nws tias,
“Kuv yuav zoo siab hlo muab
lub moos Sekhee faib
thiab muab lub hav Xukhau faib.
8Kile‑a tebchaws yog kuv tug,
Manaxe tebchaws yog kuv li,
Efa‑i tebchaws yog kuv lub mom hlau,
Yuda tebchaws yog kuv tus cwj nrig,
9Mau‑a tebchaws yog lub phaj dej
uas kuv ntxuav cev,
kuv laim kuv txhais khau
rau saum Edoo tebchaws,
kuv qw lub suab uas kov yeej
rau saum Filixatee tebchaws.”
10Leejtwg yuav coj kuv mus rau hauv
lub moos uas muaj ntsa loog thaiv?
Leejtwg yuav coj kuv mus rau hauv Edoo?
11Au Vajtswv, koj muab peb
tso tseg lawm lov?
Au Vajtswv, koj tsis nrog peb cov tub rog
tawm mus lov?
12Thov koj pab peb tiv cov tshawj chim,
rau qhov neeg pab
mas tsis tau qabhau kiag li.
13Yog peb nrog Vajtswv
mas peb yuav kov yeej,
nws yog tus uas yuav tsuj pes ntiag
peb cov tshawj chim.