130
Vaam Vaajtswv txhwv
Zaaj nkauj hu nce moog.
1Au Yawmsaub, kuv nyob qhov tub tub
quaj hu koj.
2Au tug Tswv, thov noog kuv lub suab.
Thov koj tig ntsej ua tuab zoo noog
kuv lub suab taij thov.
3Au Yawmsaub, yog koj cim
tej kev txhum txem ca,
au tug Tswv, leejtwg yuav
sawv nreg nreeg tau?
4Tassws koj yog tug kws zaam txem
sub suavdawg txhad fwm
hab paub ntshai koj.
5Kuv tog rawv Yawmsaub,
kuv tug ntsuj plig tog ntsoov,
hab kuv vaam ntsoov nwg tej lug.
6Kuv tug ntsuj plig tog rawv Yawmsaub
heev dua tug faaj xwm tog kaaj ntug,
heev dua tug faaj xwm tog rawv kaaj ntug.
7Yixayee 'e, ca le muaj sab vaam
rua huv Yawmsaub.
vem Yawmsaub muaj txujkev hlub ruaj khov,
hab muaj kev txhwv puv npo.
8Nwg yuav txhwv cov Yixayee dim
puab tej kev txhum txem huvsw.