71

Tơlơi Pô Tha Rơma Iâu Laĭ

¹Ơ Yahweh ăh, amăng Ih yơh kâo dŏ kơđap;
anăm brơi kâo thuơ hĭ mlâo mlañ ôh!
²Djru kâo laih anŭn pơrơngai hĭ kâo bĕ, yuakơ Ih jing tơpă hơnơ̆ng.
Rơkâo Ih pơđi̱ng hơmư̆ laih anŭn pơklaih hĭ kâo bĕ!
³Rơkâo kơ Ih jing bĕ kar hăng pơtâo prŏng anih dŏ kơđap kâo,
jing anih kơđông kơjăp kiăng pơgang kâo;
Ih yơh jing anih pơtâo kâo đuaĭ kơdŏp laih anŭn anih răng pơgang kâo.

⁴Ơ Ơi Adai kâo hơi, pơklaih hĭ bĕ kâo mơ̆ng tơngan ƀing sat ƀai,
jing mơ̆ng tơlơi dưi ƀing ƀrưh mơhiăh kheñ đet anŭn.
⁵Ơ Khua Yang Yahweh hơi, kâo čang rơmang amăng Ih yơh;
kâo đaŏ kơnang laih amăng Ih čơdơ̆ng mơ̆ng kâo dŏ čơđai.
⁶Kâo kơnang ƀơi Ih mơ̆ng hrơi tơkeng kơ kâo;
Ih hơmâo pơgang laih kâo čơdơ̆ng mơ̆ng hrơi kâo tơbiă rai mơ̆ng kian amĭ kâo.
Tui anŭn, kâo bơni hơơč kơ Ih nanao yơh.

⁷Tơlơi hơdip kâo jing tơlơi pơhơmutu kơ lu mơnuih,
yuakơ Ih jing pô kơtang răng pơgang kâo.
⁸Kâo bơni kơ Ih amăng abih hrơi mlam
laih anŭn amăng bah kâo pơhaih tơlơi hiam rô̆ Ih nanao.

⁹Anăm hơngah lui hĭ ôh kâo tơdang kâo ră anai tha rơma laih;
anăm lui raih hĭ ôh kâo tơdang kâo ră anai tơdu rơmơ̆n laih.
¹⁰Ƀing rŏh ayăt kâo pơhiăp ƀrưh ƀai kơ kâo;
ƀing gơñu pơhiăp pơčrŏng sai hăng tơdruă kiăng mă pơđuaĭ hĭ tơlơi hơdip kâo.
¹¹Ƀing gơñu laĭ tui anai, “Ơi Adai hơmâo lui raih hĭ ñu laih;
bơbĕ ta kiaŏ tui mă ñu;
yuakơ ƀu či hơmâo hlơi pô dơ̆ng tah dưi pơklaih hĭ ñu!”
¹²Ơ Ơi Adai hơi, anăm dŏ ataih hĭ mơ̆ng kâo ôh;
Ơ Ơi Adai kâo hơi, rơkâo kơ Ih tañ djru kâo đa!
¹³Brơi bĕ kơ ƀing pơhiăp sat pơkơdơ̆ng glaĭ hăng kâo
jing hĭ mlâo mlañ laih anŭn răm rai hĭ.
Brơi bĕ kơ ƀing hlơi hơduah kiăng pơrăm kâo
buh mă bĕ tơlơi mlâo mlañ laih anŭn tơlơi djik djak.

¹⁴Samơ̆ kâo či čang rơmang Ih djru kơ kâo nanao yơh,
laih anŭn kâo či bơni hơơč kơ Ih lu jai dơ̆ng yơh.
¹⁵Amăng bah kâo či ră ruai tơlơi bruă hiam klă Ih yơh;
amăng abih hrơi mlam kâo či ră ruai kơ tơlơi Ih pơklaih kâo,
wơ̆t tơdah kâo ƀu dưi yap ôh hơdôm tơlơi bruă Ih ngă anŭn.
¹⁶Kâo či nao pơhaih tơlơi kơtang Ih, Ơ Khua Yang Yahweh ăh;
kâo či pơhiăp pơhaih tơlơi hiam klă Ih, kơnơ̆ng hơjăn tơlơi hiam klă Ih anŭn đôč yơh.
¹⁷Ơ Ơi Adai hơi, Ih hơmâo pơtô laih kâo čơdơ̆ng mơ̆ng kâo dŏ čơđai,
laih anŭn kâo ăt či ră ruai kơ khul bruă mơyang Ih nanao yơh.
¹⁸Ră anai wơ̆t tơdah kâo tha laih anŭn čăt ƀŭk kô̱̆ laih,
anăm lui raih hĭ ôh kâo, Ơ Ơi Adai ăh!
Dŏ hrŏm hăng kâo bĕ tơl kâo pơhiăp pơhaih tơlơi dưi mơyang Ih laih anŭn tơlơi dưi kơtang Ih
kơ ƀing ană tơčô kâo pơanăp adih.

¹⁹Ơ Ơi Adai hơi, tơlơi tơpă hơnơ̆ng Ih ƀing mơnuih mơnam pơhaih truh pơ adai rơngit adih yơh.
Ih hơmâo ngă laih bruă mơnuă prŏng prin;
Ơ Ơi Adai hơi, hlơi jing pô hrup hăng Ih lĕ?
²⁰Ih hơmâo brơi rai laih tơlơi tơnap tap rŭng răng ƀơi kâo,
samơ̆ Ih či rŭ pơkơjăp glaĭ tơlơi kơtang kâo;
Ih či răk wai kâo klaih mơ̆ng amăng luh pơsat.
²¹Ih či brơi thim kơ kâo tơlơi pơpŭ pơyom hloh kơ hlâo adih,
laih anŭn Ih či pơalum kâo dơ̆ng.

²²Sĭt yơh kâo či bơni hơơč kơ Ih hăng go̱ng trưng,
yuakơ Ih jing Pô tŏng ten hăng kâo, Ơ Ơi Adai kâo ăh.
Hăng go̱ng trưng kâo yơh, kâo či pĕ bơni kơ Ih sa tơlơi adoh,
Ơ Pô Rơgoh Hiam ƀing Israel hơi.
²³Tơƀông kâo či ur dreo hơ̆k mơak yơh,
tơdang kâo adoh bơni kơ Ih hăng abih jua bơngăt kâo
yuakơ Ih hơmâo pơklaih hĭ laih kâo.
²⁴Bah jơlah kâo či ră ruai kơ tơlơi tơpă hơnơ̆ng Ih amăng abih hrơi mlam,
yuakơ ƀing hlơi pô gir kiăng pơrăm hĭ kâo
ƀing gơñu hơmâo mă tŭ tơlơi mlâo mlañ laih anŭn tơlơi djik djak yơh.

71

Lời Cầu Nguyện của Người Cao Niên

¹CHÚA ôi, con nương náu nơi Ngài,
Xin đừng để con bị hổ thẹn.
²Xin giải nguy con và giải cứu con vì đức công chính của Ngài;
Xin nghiêng tai nghe con và cứu con.
³Xin làm vầng đá cho con trú ẩn, nơi con sẽ đến đó luôn luôn;
Xin ban lịnh giải cứu con, vì Ngài là vầng đá và thành trì kiên cố của con.

⁴Ðức Chúa Trời của con ôi, xin giải cứu con khỏi tay kẻ ác,
Tức khỏi tay kẻ bất chính và bạo tàn,
⁵Vì Ngài là nguồn hy vọng của con;
Lạy CHÚA Hằng Hữu, Ðấng con tin cậy từ thuở ấu thơ,
⁶Con đã nhờ cậy Ngài từ lúc chào đời;
Ngài đã tạo thành con, rồi đem con ra khỏi lòng mẹ con,
Nên con sẽ ca ngợi Ngài mãi mãi.

⁷Con đã trở thành một chuyện lạ cho nhiều người;
Dù vậy Ngài vẫn là nơi nương náu vững chắc của con.
⁸Miệng con tràn đầy những lời ca ngợi Ngài;
Hằng ngày con không ngớt ca tụng vinh hiển của Ngài.
⁹Xin đừng lìa khỏi con trong buổi già nua;
Xin đừng từ bỏ con khi sức lực con không còn nữa.

¹⁰Vì những kẻ thù ghét con đang nói những lời chống lại con;
Những kẻ rình rập mạng sống con đang bàn luận với nhau;
¹¹Chúng nói rằng, “Ðức Chúa Trời đã lìa bỏ nó rồi;
Hãy đuổi theo và bắt nó, vì chẳng ai giải cứu nó đâu.”

¹²Ðức Chúa Trời ôi, xin đừng xa con;
Ðức Chúa Trời của con ôi, xin mau đến giúp đỡ con!
¹³Nguyện những kẻ thù của con sẽ bị hủy diệt trong sỉ nhục.
Nguyện những kẻ tìm cách hại con sẽ bị bao phủ bằng nhục nhã và nhuốc nhơ.
¹⁴Nhưng về phần con, con sẽ tiếp tục hy vọng;
Con sẽ ca ngợi Ngài càng ngày càng thêm.
¹⁵Miệng con sẽ nói ra đức công chính của Ngài;
Con sẽ thuật lại ơn cứu rỗi của Ngài suốt ngày,
Vì con không biết sẽ phải nói bao nhiêu cho đủ.
¹⁶Con sẽ ra đi trong quyền năng của CHÚA Hằng Hữu;
Con sẽ nói ra đức công chính của Ngài, chỉ của Ngài mà thôi.

¹⁷Ðức Chúa Trời ôi, Ngài đã dạy con từ thuở còn thơ,
Ðến bây giờ con vẫn còn rao báo những việc diệu kỳ của Ngài.
¹⁸Ðức Chúa Trời ôi, giờ đây con đã già yếu và tóc con đã bạc,
Xin Ngài đừng lìa bỏ con, cho đến khi con truyền xong cho thế hệ kế tiếp những việc quyền năng của Ngài,
Và nói cho thế hệ đến sau biết quyền phép lạ lùng của Ngài.
¹⁹Vì Ðức Chúa Trời ôi, đức công chính của Ngài cao tận trời;
Ngài đã làm những việc thật lớn lao vĩ đại.

Ðức Chúa Trời ôi, nào ai giống như Ngài?
²⁰Ngài đã cho con kinh nghiệm những gian khổ và buồn đau;
Sau đó Ngài đã làm cho con được sống lại.
Ngài đã đem con lên từ vực sâu của lòng đất.
²¹Xin Ngài gia thêm sự tôn trọng cho con;
Xin Ngài quay lại để vỗ về an ủi con.

²²Ðức Chúa Trời của con ôi, con sẽ dùng đàn lia ca ngợi đức thành tín của Ngài;
Lạy Chúa, Ðấng Thánh của I-sơ-ra-ên, con sẽ hòa theo hạc cầm ca hát chúc tụng Ngài.
²³Môi con sẽ reo mừng khi con ca hát tôn ngợi Ngài,
Vì Ngài đã cứu chuộc linh hồn con.
²⁴Lưỡi con sẽ nói ra đức công chính của Ngài suốt ngày,
Vì những kẻ tìm cách hại con đã bị làm cho xấu hổ và sỉ nhục.