101
Vajntxwv tej lus cog tseg
Zaj nkauj uas Tavi saum.
1Kuv yuav hu nkauj txog qhov uas kuv hlub koj
thiab qhov uas kuv txiav txim ncaj.
Au Yawmsaub, kuv yuav hu nkauj rau koj.
2Kuv yuav rau siab ntso
ua kuv lub neej kom tsis muaj chaw thuam li.
Thaum twg koj yuav los cuag kuv?
Kuv yuav ua lub siab dawb paug
rau hauv kuv lub tsev.
3Kuv yuav tsis kheev ib yam phem twg
tshwm los rau ntawm kuv lub qhov muag.
Kuv ntxub cov neeg fav xeeb tej haujlwm,
lawv tej haujlwm yuav tsis kis kuv kiag li.
4Kuv yuav tsis ua siab nkhaus,
kuv yuav tsis ntsig txog txojkev phem kiag li.
5Tus uas pheej nyiag xyav kwvtij zej zog
mas kuv yuav muab rhuav tshem.
Tus uas muab hlob thiab siab khav theeb
mas kuv tsis yuav kiag li.
6Kuv yuav tsa muag zaj saib cov uas
siab xib rau Vajtswv hauv lub tebchaws
xwv lawv thiaj nrog kuv nyob tau.
Tus uas ua lub neej tsis muaj chaw thuam
thiaj tau los ua num rau kuv.
7Tus uas dag ntxias
yuav tsis tau nyob hauv kuv lub tsev.
Tus uas rua ncauj hais lus dag
yuav tsis nyob ruaj ntawm kuv xubntiag.
8Txhua tagkis kuv yuav muab cov
neeg limhiam sawvdaws hauv lub tebchaws
ua kom puam tsuaj tag,
thiab txiav cov neeg ua phem sawvdaws
tawm ntawm Yawmsaub lub nroog.
101
Of David. A psalm.
1I will sing of your love and justice;
to you, Lord, I will sing praise.
2I will be careful to lead a blameless life—
when will you come to me?
I will conduct the affairs of my house
with a blameless heart.
3I will not look with approval
on anything that is vile.
I hate what faithless people do;
I will have no part in it.
4The perverse of heart shall be far from me;
I will have nothing to do with what is evil.
5Whoever slanders their neighbor in secret,
I will put to silence;
whoever has haughty eyes and a proud heart,
I will not tolerate.
6My eyes will be on the faithful in the land,
that they may dwell with me;
the one whose walk is blameless
will minister to me.
7No one who practices deceit
will dwell in my house;
no one who speaks falsely
will stand in my presence.
8Every morning I will put to silence
all the wicked in the land;
I will cut off every evildoer
from the city of the Lord.