15
Tus uas tau mus rau hauv Vajtswv lub tsev
Yog Davi zaj nkauj.
1Au Yawmsaub, leejtwg yuav nyob
hauv koj lub tsev ntaub?
Leejtwg yuav mus nyob
saum koj lub roob dawb huv?
2Yog tus uas ua lub neej tsis muaj chaw thuam
thiab ua raug cai,
thiab hais lus tseeb tuaj nruab siab.
3Nws tsis siv nws tus nplaig xyav luag,
nws tsis ua phem rau nws tej phoojywg,
thiab tsis thuam kwvtij zej zog.
4Nws lub qhov muag saib tsis taus
tus uas ua phem ua qias,
nws muab koob meej
rau tus uas paub ntshai Yawmsaub.
Yog nws cog lus twv lawm
txawm yog yuav poob dabtsi kuj xij
nws tsis hloov lus li.
5Nws tsis tsub paj nyiag rau cov uas qev txais,
nws tsis yuav nyiaj xiab
nias tus uas tsis txhaum cai.
Tus uas ua tej no yuav nyob ruaj,
tsis ua zog mus ib txhis.
15
A psalm of David.
1Lord, who may dwell in your sacred tent?
Who may live on your holy mountain?
2The one whose walk is blameless,
who does what is righteous,
who speaks the truth from their heart;
3whose tongue utters no slander,
who does no wrong to a neighbor,
and casts no slur on others;
4who despises a vile person
but honors those who fear the Lord;
who keeps an oath even when it hurts,
and does not change their mind;
5who lends money to the poor without interest;
who does not accept a bribe against the innocent.
Whoever does these things
will never be shaken.