75
Vajtswv txiav txim rau neeg
Sau rau tus thawj coj hu nkauj, raws li lub suab zaj nkauj “Tsis txhob ua kom puam tsuaj.” Yog Axas zaj nkauj. Yog zaj nkauj hu.
1Au Vajtswv, peb ua koj tsaug,
peb ua koj tsaug.
Koj lub npe nyob ze.
Peb piav koj tej haujlwm uas phimhwj.
2Koj hais tias, “Txog lub sijhawm
uas kuv teem cia lawm
kuv yuav txiav txim ncaj ncees.
3Thaum lub ntiajteb thiab txhua tus
uas nyob hauv ntseeg nkaws,
kuv yog tus uas tuav lub ntiajteb tej ncej
kom nyob ruaj khov.
4Kuv hais rau cov uas khav theeb tias,
‘Tsis txhob khav theeb,’
thiab hais rau cov neeg limhiam tias,
‘Tsis txhob tsa koj txwm kub,
5tsis txhob tsa koj tus kub kom siab
thiab tsis txhob khav theeb
hais lus tuam mom.’ ”
6Qhov uas tsa ua loj
tsis yog tshwm sab hnub tuaj los
lossis tawm sab hnub poob tuaj,
thiab tsis yog tshwm
hauv tebchaws moj sab qhua los,
7tiamsis yog Vajtswv yog tus txiav txim,
nws txo ib tug qes, tsa ib tug siab.
8Rau qhov hauv Yawmsaub txhais tes
muaj ib lub khob muaj cov cawv txiv hmab
uas sib tim npau npuas vog puv nkaus.
Nws yuav muab cov cawv ntawd
hliv rau lawv haus
mas tej neeg limhiam hauv ntiajteb sawvdaws
yuav haus tag nrho lub khob ntawd.
9Tiamsis kuv yuav zoo siab xyiv fab
mus ib txhis,
kuv yuav hu nkauj
qhuas Yakhauj tus Vajtswv.
10Nws yuav muab cov neeg limhiam tus kub
txiav pov tseg,
hos cov neeg ncaj ncees tus kub
mas yuav raug muab tsa kom siab.
75
Vaajtswv txav txem rua tuabneeg
Sau rua tug thawj coj hu nkauj, lawv le lub suab zaaj nkauj “Tsw xob ua kuas puam tsuaj.” Yog Axas zaaj nkauj. Yog zaaj nkauj hu.
1Au Vaajtswv, peb ua koj tsaug,
peb ua koj tsaug.
Koj lub npe nyob ze.
Peb pav koj tej num kws phemfwj.
2Koj has tas, “Txug lub swjhawm
kws kuv teem ca lawm
kuv yuav txav txem ncaaj nceeg.
3Thaus lub nplajteb hab txhua tug
kws nyob huv tseeg quas nkawg,
kuv yog tug kws tuav lub nplajteb tej ncej
kuas nyob ruaj khov.
4Kuv has rua cov kws khaav theeb tas,
‘Tsw xob khaav theeb,’
hab has rua cov tuabneeg limham tas,
‘Tsw xob tsaa koj txwm kub,
5tsw xob tsaa koj tug kub kuas sab
hab tsw xob khaav theeb has lug tuam mom.’ ”
6Qhov kws tsaa ua luj
tsw yog tshwm saab nub tuaj lug
lossws tawm saab nub poob tuaj,
hab tsw yog tshwm
huv tebchaws moj saab qhua lug,
7tassws yog Vaajtswv yog tug txav txem,
nwg txu ib tug qeg, tsaa ib tug sab.
8Tsua qhov huv Yawmsaub txhais teg
muaj ib lub khob muaj cov cawv txwv maab
kws sws tim npau npuag quas vog puv nkaus.
Nwg yuav muab cov cawv hov
hliv rua puab haus
mas tej tuabneeg limham huv nplajteb
suavdawg yuav haus taag nrho khob ntawd.
9Tassws kuv yuav zoo sab xyiv faab
moog ib txhws,
kuv yuav hu nkauj qhuas
Yakhauj tug Vaajtswv.
10Nwg yuav muab cov tuabneeg limham
tug kub txav pov tseg,
huas cov tuabneeg ncaaj nceeg tug kub
mas yuav raug muab tsaa kuas sab.