97
Vajtswv muaj hwjchim kav tag nrho ib puas tsav yam
1Yawmsaub ua vajntxwv kav.
Cia ntiajteb xyiv fab,
cia tej tebchaws uas coob kawg
ntawm ntug hiavtxwv zoo siab.
2Muaj huab thiab muaj qhov tsaus ntuj nti
nyob vij nws,
txojkev ncaj ncees thiab qhov uas txiav txim ncaj
yog lub taw tiag nws lub zwm txwv.
3Muaj hluavtaws cig ua nws ntej
thiab hlawv nws tej yeeb ncuab
uas nyob ib ncig.
4Nws tej xob laim ci nplas thoob qab ntuj,
lub ntiajteb pom thiab ntseeg nkaws.
5Tej roob yaj pes ntshis li ciab ntab
rau ntawm Yawmsaub xubntiag,
rau ntawm tus Tswv
uas kav tag nrho lub ntiajteb lub xubntiag.
6Lub ntuj tshaj tawm nws txojkev ncaj ncees
thiab ib tsoom neeg sawvdaws
pom nws lub hwjchim ci ntsa iab.
7Txhua tus uas pe dab mlom
raug txaj muag,
yog cov uas khav txog lawv tej dab
uas tsis muaj qabhau.
Tej timtswv huvsi pe ntawm nws xubntiag.
8Xi‑oo tau hnov mas zoo siab,
thiab Yuda tej ntxhais⚓ xyiv fab,
vim yog Vajtswv koj los txiav txim.
9Au Yawmsaub, koj yog tus Loj Dua Ntais
saum lub ntiajteb huvsi,
koj siab dhau tej timtswv huvsi ntau npaug.
10Yawmsaub hlub cov uas ntxub kev phem,⚓
nws tsom kwm nws cov neeg dawb huv txojsia,
nws cawm lawv dim
hauv cov neeg limhiam txhais tes.
11Txojkev kaj ci rau cov neeg ncaj ncees,
thiab txojkev xyiv fab
muaj rau cov neeg siab ncaj.
12Nej cov uas ncaj ncees,
cia li zoo siab rau hauv Yawmsaub,
thiab ua tsaug nws lub npe uas dawb huv.
97
1The Lord reigns, let the earth be glad;
let the distant shores rejoice.
2Clouds and thick darkness surround him;
righteousness and justice are the foundation of his throne.
3Fire goes before him
and consumes his foes on every side.
4His lightning lights up the world;
the earth sees and trembles.
5The mountains melt like wax before the Lord,
before the Lord of all the earth.
6The heavens proclaim his righteousness,
and all peoples see his glory.
7All who worship images are put to shame,
those who boast in idols—
worship him, all you gods!
8Zion hears and rejoices
and the villages of Judah are glad
because of your judgments, Lord.
9For you, Lord, are the Most High over all the earth;
you are exalted far above all gods.
10Let those who love the Lord hate evil,
for he guards the lives of his faithful ones
and delivers them from the hand of the wicked.
11Light shines⚓ on the righteous
and joy on the upright in heart.
12Rejoice in the Lord, you who are righteous,
and praise his holy name.