28
Lo lus thov Vajtswv pab thiab lo lus ua tsaug.
Davi sau.
1Au Yawmsaub, kuv thov hu koj.
Kuv lub txhib zeb,
thov tsis txhob lag ntseg rau kuv.
Yog koj tsis teb kuv
ces kuv yuav zoo yam nkaus li cov neeg
uas mus rau hauv tub tuag teb.
2Thov mloog kuv lub suab taij thov
rau thaum kuv thov koj pab
thiab rau thaum kuv tsa kuv txhais tes
tuaj rau koj lub tuam tsev
chav uas dawb huv kawg nkaus.
3Thov tsis txhob muab kuv sau zog
nrog cov neeg limhiam mus,
lawv yog cov ua phem
uas ncauj lus zoo rau kwvtij zej zog
tiamsis lub siab npaj ua kev limhiam.
4Thov ua pauj rau lawv raws li lawv tau ua,
raws li lawv tej kev phem.
Thov ua pauj rau lawv raws li lawv txhais tes ua,
thiab pauj rau lawv raws li tsim nyog pauj.
5Vim lawv tsis quav ntsej
tej haujlwm uas Yawmsaub ua
thiab tej uas nws txhais tes ua,
mas nws yuav muab lawv tsoo kom ntog
thiab tsis tsa lawv rov sawv li lawm.
6Cia li qhuas Yawmsaub,
rau qhov nws mloog kuv lub suab taij thov.
7Yawmsaub yog kuv lub zog
thiab kuv daim phiaj hlau thaiv,
kuv tso siab rau nws, kuv thiaj tau kev pab,
kuv zoo siab xyiv fab kawg li
thiab kuv hu nkauj ua nws tsaug.
8Yawmsaub yog nws haiv neeg lub zog,
yog lub chaw cawm siav
rau tus uas nws hliv roj tsa lawd.
9Thov cawm koj haiv neeg kom dim,
thiab foom koob hmoov
rau koj qub txeeg qub teg.
Thov yug lawv ib yam li yug yaj
thiab qaws lawv puag mus ib txhis.
28
Xin CHÚA Giúp Ðỡ, Cảm Tạ CHÚA Khi Ngài Nhậm Lời
Thơ của Ða-vít
1CHÚA ôi, con cầu khẩn Ngài;
Vầng Ðá của con ôi, xin đừng làm ngơ với con;
Vì nếu Ngài cứ làm thinh với con,
Con sẽ giống như kẻ đi xuống phần mộ.
2Xin lắng nghe lời con kêu cầu khi con van xin Ngài,
Khi con giơ hai tay lên hướng về nơi chí thánh của Ngài.
3Xin đừng đem con đi với những kẻ gian ác,
Tức với những kẻ làm những điều tội lỗi;
Những kẻ ngoài miệng nói năng hòa nhã với người ta,
Nhưng trong lòng chứa đầy âm mưu hiểm độc.
4Cầu xin Ngài báo trả chúng theo những việc chúng làm,
Và theo những điều gian ác chúng thực hiện.
Xin báo trả chúng theo những việc do tay chúng tạo ra;
Xin báo lại chúng tương xứng với điều chúng đã gây nên,
5Vì chúng không nghĩ gì đến công việc CHÚA,
Cũng không màng gì đến các tác phẩm tay Ngài làm.
Nguyện Ngài phá đổ những công việc của tay chúng,
Và không cho những việc ấy thành hình.
6Chúc tụng CHÚA,
Vì Ngài đã nghe lời kêu cầu của tôi.
7CHÚA là sức mạnh của tôi và là thuẫn khiên của tôi.
Tôi để lòng tin cậy nơi Ngài, và tôi được giúp đỡ.
Vì thế lòng tôi rất đỗi vui mừng;
Tôi sẽ hát lên bài ca của mình để cảm tạ Ngài.
8CHÚA là sức mạnh của con dân Ngài;
Ngài là thành trì bảo vệ những người được xức dầu của Ngài.
9Xin Ngài cứu con dân Ngài và ban phước cho cơ nghiệp Ngài;
Xin Ngài làm Ðấng chăn giữ họ và cưu mang họ đến đời đời.