61
Thov Vajtswv tsom kwm kuv
Sau rau tus thawj coj hu nkauj, yuav siv nkauj nog ncas. Davi sau.
1Au Vajtswv, thov mloog kuv lub suab hu,
thov koj tig ntsej mloog kuv tej lus thov.
2Kuv tsa suab thov koj tim qab ntug tuaj
rau thaum kuv siab yaj tag.
Thov coj kuv los txog txhib zeb
uas siab dua kuv,
3rau qhov koj yog kuv lub chaw cawm siav,
koj yog lub chaw ruaj khov siab siab
uas tiv tau yeeb ncuab.
4Kuv thov nyob hauv koj lub tsev ntaub
mus ib txhis,
thov cia kuv nyob tso siab plhuav
rau hauv koj qab phab tis tus duab ntxoov ntxoo.
5Au Vajtswv, koj twb hnov tej lus
uas kuv yeem tseg rau koj,
koj tau muab cov uas hwm thiab ntshai
koj lub npe li qub txeeg qub teg pub rau kuv.
6Thov txuas vajntxwv txojsia,
thov pub kom nws lub niaj xyoo
nyob txog txhua tiam neeg.
7Thov cia nws nyob saum lub zwm txwv
tab meeg Vajtswv mus ib txhis,
thov cia txojkev hlub uas ruaj khov
thiab txojkev ncaj uas tso siab tau tsom kwm nws.
8Mas kuv thiaj yuav hu nkauj
qhuas koj lub npe tsis tu li,
rau thaum kuv niaj hnub pauj
tej uas kuv tau yeem tseg lawm.
61
For the director of music. With stringed instruments. Of David.
1Hear my cry, O God;
listen to my prayer.
2From the ends of the earth I call to you,
I call as my heart grows faint;
lead me to the rock that is higher than I.
3For you have been my refuge,
a strong tower against the foe.
4I long to dwell in your tent forever
and take refuge in the shelter of your wings.⚓
5For you, God, have heard my vows;
you have given me the heritage of those who fear your name.
6Increase the days of the king’s life,
his years for many generations.
7May he be enthroned in God’s presence forever;
appoint your love and faithfulness to protect him.
8Then I will ever sing in praise of your name
and fulfill my vows day after day.