17

Thov Vajtswv pab dim kev tsim txom

Davi tej lus thov.

¹Au Yawmsaub, thov tig ntsej mloog
tej uas kuv teev lus ncaj ncees,
thiab mloog kuv lub suab hu.
Thov tig ntsej mloog kuv lub qhov ncauj
lo lus thov uas tsis muaj ib lus dag li.
²Thov koj tu kom kuv ua tus uas muaj cai,
thov koj tsa muag ntsia qhov uas ncaj ncees.

³Yog koj tshuaj saib kuv lub siab
thiab tuaj saib kuv hmo ntuj,
yog koj sim kuv lawd koj yuav tsis pom
ib qho phem nyob hauv kuv li,
kuv lub qhov ncauj kuj tsis hais ib los txhaum.
⁴Tej haujlwm uas neeg ua
mas vim muaj koj tej lus
uas tawm hauv koj qhov ncauj los
kuv thiaj tsis ua raws li
cov neeg limhiam ntais ntuj ua.
⁵Kuv txhais kotaw thiaj li taug nraim koj txojkev,
kuv txhais kotaw tsis plam li.

⁶Au Vajtswv, kuv thov hu koj,
rau qhov koj yuav teb kuv tej lus thov.
Thov tig ntsej mloog kuv, mloog kuv tej lus thov.
⁷Thov koj ua koj txojkev hlub ruaj khov
uas phimhwj kawg tshwm los.
Koj yog tus uas cawm cov neeg uas nrhiav
chaw cawm siav ntawm lawv tej yeeb ncuab
rau ntawm koj sab xis.
⁸Thov tsom kwm kuv
yam nkaus li tsom kwm lub ntsiab muag,
thov nthuav koj li kooj tis roos kuv,
⁹kom dim tau cov neeg limhiam
uas ua kom kuv puam tsuaj
thiab dim tau kuv tej yeeb ncuab
uas vij kuv xav tua kuv.
¹⁰Lawv tsis muaj lub siab khuvleej,
lawv lub qhov ncauj hais lus khav theeb xwb.
¹¹Lawv taug kuv neev taw,
nimno lawv vij puag ncig kuv lawm,
lawv soj kuv xav muab kuv pov rau hauv av.
¹²Lawv zoo yam nkaus li tus tsov ntxhuav
uas xav xav dua nqaij,
zoo yam nkaus li tus thav tsov ntxhuav
uas zov kev tos tom.

¹³Au Yawmsaub, cia li sawv tsees,
tawm tsam lawv, muab lawv qhau.
Thov koj siv koj rab ntaj tso kuv txojsia
dim ntawm cov neeg limhiam.
¹⁴Au Yawmsaub, thov koj txhais tes cawm kuv
dim ntawm cov neeg uas lawv li feem
yog nyob hauv ntiajteb no xwb.
Thov cia lawv tej plab saws tej uas koj
tau khaws cia rau lawv lawd kom puv nkaus,
thov kom lawv tej tub ki tau saws
ntau tshaj plaws
thiab tseem tshuav rau
lawv tej menyuam yaus saws thiab.
¹⁵Kuv tus kheej mas kuv yuav pom
koj lub ntsej muag vim kuv txojkev ncaj ncees,
thaum kuv tsim los kuv yuav txaus siab
rau qhov uas pom koj tus yam ntxwv lawm.

17

A prayer of David.

¹Hear me, Lord, my plea is just;
listen to my cry.
Hear my prayer—
it does not rise from deceitful lips.
²Let my vindication come from you;
may your eyes see what is right.

³Though you probe my heart,
though you examine me at night and test me,
you will find that I have planned no evil;
my mouth has not transgressed.
⁴Though people tried to bribe me,
I have kept myself from the ways of the violent
through what your lips have commanded.
⁵My steps have held to your paths;
my feet have not stumbled.

⁶I call on you, my God, for you will answer me;
turn your ear to me and hear my prayer.
⁷Show me the wonders of your great love,
you who save by your right hand
those who take refuge in you from their foes.
⁸Keep me as the apple of your eye;
hide me in the shadow of your wings
⁹from the wicked who are out to destroy me,
from my mortal enemies who surround me.

¹⁰They close up their callous hearts,
and their mouths speak with arrogance.
¹¹They have tracked me down, they now surround me,
with eyes alert, to throw me to the ground.
¹²They are like a lion hungry for prey,
like a fierce lion crouching in cover.

¹³Rise up, Lord, confront them, bring them down;
with your sword rescue me from the wicked.
¹⁴By your hand save me from such people, Lord,
from those of this world whose reward is in this life.
May what you have stored up for the wicked fill their bellies;
may their children gorge themselves on it,
and may there be leftovers for their little ones.

¹⁵As for me, I will be vindicated and will see your face;
when I awake, I will be satisfied with seeing your likeness.